کراچی میں ریس لگاتی گاڑی کی ٹکر سے نوجوان جاں بحق

حادثے کے ذمے دار ڈرائیور کو پولیس نے گرفتار کرلیا ہے

ویب ڈیسک بدھ 6 فروری 2019

حادثے کے ذمے دار ڈرائیور کو پولیس نے گرفتار کرلیا ہے۔ فوٹو : فائل

کراچی: گلبرگ میں ریس لگاتی گاڑی کی ٹکر سے موٹر سائیکل سوار جاں بحق ہوگیا جب کہ ڈرائیور کو گرفتار کرلیا گیا ہے۔

ایکسپریس نیوز کے مطابق کراچی کے علاقے گلبرگ تھانے کے قریب ریس لگاتی 2 گاڑیوں میں سے ایک نے موٹر سائیکل سوار کو ٹکر مار دی جسکے نتیجے میں موٹر سائیکل سوار موقع پر ہی جاں بحق ہوگیا۔

پولیس کے مطابق جاں بحق ہونے والے شخص کی شناخت 24 سالہ عمر علی کے نام سے ہوئی ہے جب کہ حادثے کے ذمے دار ڈرائیور کو پولیس نے گرفتار کرلیا ہے۔