30 مارچ تک چور، لیٹرے اور ڈاکو ڈیل پیکج میں فارغ ہو جائیں گے، شیخ رشید

ویب ڈیسک  بدھ 6 فروری 2019
اللہ جانتا ہے حکومت نہیں جاتی، ابھی چل رہی ہے، وفاقی وزیر ریلوے۔ فوٹو : فائل

اللہ جانتا ہے حکومت نہیں جاتی، ابھی چل رہی ہے، وفاقی وزیر ریلوے۔ فوٹو : فائل

ٹوبہ ٹیک سنگھ: وفاقی وزیر ریلوے شیخ رشید کا کہنا ہے کہ 30 مارچ سے پہلے یا بعد میں چور، لیٹرے اور ڈاکو ڈیل پیکج میں فارغ ہو جائیں گے۔

ٹوبہ ٹیک سنگھ میں میڈیا سے گفتگو میں وفاقی وزیر ریلوے شیخ رشید کا کہنا تھا کہ  پہلے ایک کی ڈیل ہو رہی تھی اب پورا پیکیج لیا جا رہا ہے، 30 مارچ سے پہلے یا بعد میں چور، لیٹرے اور ڈاکو ڈیل پیکج میں فارغ ہو جائیں گے، کل میں وزیراعظم سے بات کروں گا اور 8 تاریخ کو قوم کو آگاہ کروں گا جب کہ سانحہ ساہیوال میں بڑا ظلم ہوا ہے، جوڈیشل کمیشن بھی بنے تو کوئی حرج نہیں۔

شیخ رشید کا کہنا تھا کہ چیئرمین پیپلزپارٹی بلاول بھٹو سے صلح ہوگئی ہے، صحافی کے سوال پر ان کا کہنا تھا کہ اللہ جانتا ہے حکومت نہیں جاتی، ابھی چل رہی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔