پبلک اکاؤنٹس کمیٹی کے استحکام کی جدوجہد کسی شخصیت کے لیے نہیں، خورشید شاہ

ویب ڈیسک  بدھ 13 فروری 2019
حکومت کمر توڑ مہنگائی کے تدارک کیلئے فوری اقدامات کرے، رہنما پاکستان پیپلزپارٹی۔ فوٹو : فائل

حکومت کمر توڑ مہنگائی کے تدارک کیلئے فوری اقدامات کرے، رہنما پاکستان پیپلزپارٹی۔ فوٹو : فائل

 اسلام آباد: رہنما پاکستان پیپلزپارٹی خورشید شاہ کا کہنا ہے کہ پبلک اکاؤنٹس کمیٹی کے استحکام کی جدوجہد کسی شخصیت کے لیے نہیں۔

رہنما پاکستان پیپلزپارٹی خورشید شاہ کا کہنا ہے کہ پبلک اکاؤنٹس کمیٹی کے استحکام کی جدوجہد کسی شخصیت کے لیے نہیں، پارلیمنٹ اور اس کے ہر ادارے کو مضبوط اور مستحکم دیکھنا چاہتے ہیں، شخصیات آتی جاتی رہتی ہے مگر اداروں کی کارکردگی سے ملک مضبوط ہوتے ہیں۔

خورشید شاہ کا کہنا تھا کہ اچھی روایات کا قیام اور استحکام ہی اصل جمہوریت ہے، حکومت سیاسی نا تجربہ کاری کی وجہ سے ہر معاملے پر یوٹرن لیتی ہے، حکومت اپنی ناکامی کا الزام اپوزیشن کو دیتی ہے، حکومت کمر توڑ مہنگائی کے تدارک کیلئے فوری اقدامات کرے۔



ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔