فلپائن کے صدر کو تنقید کا نشانہ بنانے پر خاتون صحافی گرفتار

ویب ڈیسک  بدھ 13 فروری 2019
صحافی ماریہ کو میگزین  ٹائمز نے پرسن آف دی ایئر کے اعزاز سے بھی بخشا تھا۔ فوٹو : فائل

صحافی ماریہ کو میگزین ٹائمز نے پرسن آف دی ایئر کے اعزاز سے بھی بخشا تھا۔ فوٹو : فائل

منیلا: فلپائن کے صدر رودریکو دوترتے کی سخت ناقد صحافی ماریہ ریسسا کو سائبر کرائم کے تحت حراست میں لے لیا گیا ہے۔

بین الاقوامی خبر رساں ادارے کے مطابق فلپائن میں ایک نیوز ویب سائٹ کی مالک اور معروف صحافی ماریہ ریسسا کو ملک کے صدر کو تنقید کا نشانہ بنانے پر قانون نافذ کرنے والے ادارے نے گرفتار کرلیا۔

فلپائن نیشنل بیورو آف انویسٹی گیشن نے معروف صحافی کی گرفتاری پر موقف دیتے ہوئے کہا کہ صحافی کی نیوز ویب سائٹ ریپلر سائبر جرائم کی مرتکب ہوئی ہے۔ ’ملزمہ‘ کو کل عدالت میں پیش کیا جائے گا۔

دوسری جانب نیوز ویب سائٹ ریپلر کے ترجمان کا کہنا ہے کہ صحافی کی گرفتاری 2012 میں شائع ہونے والے ایک آرٹیکل کی وجہ سے عمل میں لائی گئی ہے۔ یہ آزادی اظہار رائے پر قدغن کی بدترین مثال ہے۔

اس نیوز ویب سائٹ نے فلپائن میں صدر کے حکم پر شروع کیے گئے منشیات فروشوں کے خلاف بے رحم آپریشن کے دوران ہونے والی انسانی حقوق کی خلاف ورزیوں اجاگر کیا تھا جس پر ویب سائٹ کو عالمی شہرت حاصل ہوئی تھی۔



ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔