دفتر خارجہ کا پاکستان میں طالبان امریکا مذاکرات سے اظہار لاعلمی

ویب ڈیسک  جمعرات 14 فروری 2019
طالبان رہنماؤں کی وزیراعظم سے ملاقات کا بھی علم نہیں، ترجمان دفتر خارجہ فوٹو:فائل

طالبان رہنماؤں کی وزیراعظم سے ملاقات کا بھی علم نہیں، ترجمان دفتر خارجہ فوٹو:فائل

 اسلام آباد: ترجمان دفتر خارجہ ڈاکٹر محمد فیصل نے پاکستان میں امریکا افغان طالبان مذاکرات کے بارے میں لاعلمی کا اظہار کردیا۔

ترجمان دفترخارجہ کی جانب سے کہا گیا ہے کہ انہیں پاکستان میں ہونے والے امریکا افغان مذاکرات کے بارے میں کچھ بھی علم نہیں جب کہ طالبان رہنماؤں کی وزیراعظم سے ملاقات کا بھی معلوم نہیں۔

یہ بھی پڑھیں: طالبان اورامریکا کے درمیان مذاکرات 18 فروری کو پاکستان میں ہوں گے

افغان طالبان نے کہا ہے کہ امریکا سے مذاکرات کا اگلا دور 18 فروری کو اسلام آباد میں ہوگا۔

طالبان ترجمان ذبیح اللہ مجاہد نے اپنے جاری کردہ بیان میں کہا کہ افغانستان میں 17 سال سے جاری امریکی اتحادی افواج اورطالبان کے درمیان جاری لڑائی ختم کرنے اورامن کو آگے بڑھانے کے سلسلے میں طالبان اورامریکا کے درمیان مذاکرات کا اگلا دور18 فروری کواسلام آباد میں ہوگا اور طالبان کا وفد وزیرِ اعظم عمران خان سے بھی ملاقات کرے گا۔



ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔