حکومت کا سوشل میڈیا پر سعودی ولی عہد کیخلاف مہم چلانے والوں کیخلاف کارروائی کا حکم

ویب ڈیسک  جمعـء 15 فروری 2019
وزارت داخلہ نے صوبائی حکومتوں کو کارروائی کی ہدایت کردی ہے، ذرائع۔ فوٹو: فائل

وزارت داخلہ نے صوبائی حکومتوں کو کارروائی کی ہدایت کردی ہے، ذرائع۔ فوٹو: فائل

 اسلام آباد: حکومت نے سعودی ولی عہد کے دورہ پاکستان کے خلاف سوشل میڈیا پر مہم چلانے والوں کے خلاف کارروائی کا حکم دیدیا ہے۔

سعودی ولی عہد محمد بن سلمان کے دورہ پاکستان کے خلاف منِظم انداز میں مہم چلانے کا انکشاف ہوا ہے، ذرائع کے مطابق مہم میں ملوث گروہ سوشل میڈیا اور دیگر طریقے استعمال کر رہے ہیں، وزارت داخلہ نے صوبائی حکومتوں کو کارروائی کی ہدایت کردی ہے۔ ذرائع کے مطابق ڈی جی ایف آئی اے کو کارروائی کی ہدایت کی گئی ہے جب کہ وزارت داخلہ نے کارروائی کے لیے خط بھی جاری کیے ہیں۔

اس خبر کو بھی پڑھیں : سعودی ولی عہد شہزادہ محمد بن سلمان کی اسلام آباد میں مصروفیات کا شیڈول تبدیل

واضح رہے کہ سعودی ولی عہد محمد بن سلمان کل 2 روزہ دورے پر پاکستان آرہے ہیں، اس دوران پاکستان اور سعودی حکومت کے درمیان مختلف معاہدوں پر دستخط کیے جائیں گے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔