- پختونخوا؛ طوفانی بارشوں میں 2 بچوں سمیت مزید 3 افراد جاں بحق، تعداد 46 ہوگئی
- امریکا کسی جارحانہ کارروائی میں ملوث نہیں، وزیر خارجہ
- پی آئی اے کا یورپی فلائٹ آپریشن کیلیے پیرس کو حب بنانے کا فیصلہ
- بیرون ملک ملازمت کی آڑ میں انسانی اسمگلنگ گینگ سرغنہ سمیت 4 ملزمان گرفتار
- پاکستان کےمیزائل پروگرام میں معاونت کا الزام، امریکا نے4 کمپنیوں پرپابندی لگا دی
- جرائم کی شرح میں اضافہ اور اداروں کی کارکردگی؟
- ضمنی انتخابات میں عوام کی سہولت کیلیے مانیٹرنگ اینڈ کنٹرول سینٹر قائم
- وزیرداخلہ سے ایرانی سفیر کی ملاقات، صدررئیسی کے دورے سے متعلق تبادلہ خیال
- پختونخوا؛ صحت کارڈ پر دوائیں نہ ملنے پر معطل کیے گئے 15 ڈاکٹرز بحال
- لاہور؛ پولیس مقابلے میں 2 ڈاکو مارے گئے، ایک اہل کار شہید دوسرا زخمی
- پختونخوا؛ مسلسل بارشوں کی وجہ سے کئی اضلاع میں 30 اپریل تک طبی ایمرجنسی نافذ
- پختونخوا؛ سرکاری اسکولوں میں کتب کی عدم فراہمی، تعلیمی سرگرمیاں معطل
- موٹر وے پولیس کی کارروائی، کروڑوں روپے مالیت کی منشیات برآمد
- شمالی کوریا کا کروز میزائل لیجانے والے غیرمعمولی طورپربڑے وارہیڈ کا تجربہ
- پاکستان اور نیوزی لینڈ کے درمیان دوسرا ٹی20 آج کھیلا جائے گا
- بابر کو ماضی کی غلطیوں سے سبق سیکھنے کا مشورہ
- موبائل فون صارفین کی تعداد میں 37 لاکھ کی ریکارڈ کمی
- گیلپ پاکستان سروے، 84 فیصد عوام ٹیکس دینے کے حامی
- ایکسپورٹ فیسیلی ٹیشن اسکیم کے غلط استعمال پر 10کروڑ روپے جرمانہ
- معیشت2047 تک 3 ٹریلین ڈالر تک بڑھنے کی صلاحیت رکھتی ہے، وزیر خزانہ
پی ایس ایل ڈائری
آج نیشنل اسٹیڈیم میں پی ایس ایل کی اختتامی تقریب دیکھتے ہوئے ایسا محسوس ہوا جیسے دبئی میں افتتاحی تقریب کی جھلکیاں دیکھ رہا ہوں، تقریباً وہی فنکار اپنے پرانے گانوں پر لپ سنگ کر رہے تھے۔
حیرت کی بات یہ ہے کہ کئی غیرمسلم ممالک بھی نیوزی لینڈ میں دہشت گردی کے واقعے میں مسلمانوں کی شہادت کا سوگ منا رہے ہیں،مگر ہمارا ملک جس کے کئی افراد بھی شہید ہوئے وہاں گانوں کا کنسرٹ کرایا گیا، شاید مجھے اسی لیے تقریب نے زیادہ متاثر نہیں کیا، کئی دیگر افراد کی بھی یہی رائے تھی کہ صرف ایک منٹ کی خاموش کافی نہیں پی سی بی کو تقریب ملتوی کر دینی چاہیے تھی مگر یہاں کون ایسی باتیں سنتا ہے، آج فائنل کیلیے جب اسٹیڈیم پہنچا تو سیکیورٹی ماضی کے مقابلے میں بہت زیادہ سخت نظر آئی، کئی اہم شخصیات کی ممکنہ آمد اس کی وجہ تھی۔
میچ سے قبل ہی نیشنل اسٹیڈیم شائقین سے کھچا کھچ بھر چکا تھا، لوگ نعرے لگا کر کھلاڑیوں کا حوصلہ بڑھاتے رہے، ملکی نغمے ان کے جوش میں مزید اضافہ کر دیتے، بورڈ نے فائنل سے قبل صحافی قمر احمد اور کمنٹیٹر چشتی مجاہد کی خدمات کو سراہا جو خوش آئند ہے، البتہ حکام کو یہ بھی یاد رکھنے کی ضرورت ہے کہ ملک میں داد وتحسین کے حقداراور بھی کئی سینئر صحافی موجود ہیں، میں کھانا کھا کر واپس جا رہا تھا کہ اچانک وہاں ایک جگہ بہت زیادہ رش دیکھا، لوگ ایک صاحب کو گھیرے کھڑے اور سیلفیز بنا رہے تھے، میں اتنے دن سے نیشنل اسٹیڈیم میں پی ایس ایل کے میچز کور کر رہا ہوں، تھرڈ فلور کے اس ایریا میں بڑے بڑے کرکٹرز اور دیگر معروف شخصیات آئیں مگر میں نے کبھی نہیں دیکھا کہ صحافی اور دیگر لوگ کسی کے پیچھے اس طرح گئے ہوں۔
مجھے تجسس ہوا خاصی جدوجہد کر کے قریب پہنچا تو دیکھا کہ وہ ڈی جی آئی ایس پی آر میجر جنرل آصف غفور تھے، وہ خندہ پیشانی سے سب سے ملتے اور تصاویر کی خواہش پوری کر دیتے،ملنسار شخصیت کی وجہ سے وہ ویسے ہی بیحد مقبول ہیں۔
حال ہی میں جس طرح انھوں نے بھارت کو دوٹوک جواب دیا اس سے ان کی شہرت مزید بڑھ گئی ہے، صحافیوں کے جھرمٹ میں وہ میڈیا سینٹر آئے، میں نے ان سے کہا سر آپ تو کرکٹرز سے زیادہ مشہور ہیں تو انھوں نے مسکراتے ہوئے جواب دیا، یہ سب آپ لوگوں کی محبت ہے، انھوں نے یقین ظاہر کیا کہ جلد ملک کے تمام سینٹرز میں کرکٹ بحال ہو گی۔ آئی سی سی کے چیف ایگزیکٹیو ڈیو رچرڈسن نے بھی میڈیا سے بات چیت کی اور ملک میں کرکٹ کی واپسی پر خوشی کا اظہار کیا، جس وقت میں یہ سطور لکھ رہا ہوں پشاور زلمی کیخلاف کوئٹہ گلیڈی ایٹرز کی پوزیشن بہت مستحکم ہے، باقی باتیں انشا اللہ کل رواں برس کی آخری پی ایس ایل ڈائری کے ذریعے آپ تک پہنچاؤں گا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔