نوبل امن انعام کے لیے صدر ٹرمپ کے نام کی تجویز پر جاپان کی وضاحت

ویب ڈیسک  اتوار 17 فروری 2019
جاپانی وزیراعظم نے نوبل انعام برائے امن کے لیے امریکی صدر کا نام تجویز کیا۔ فوٹو : فائل

جاپانی وزیراعظم نے نوبل انعام برائے امن کے لیے امریکی صدر کا نام تجویز کیا۔ فوٹو : فائل

ٹوکیو: جاپانی اخبار نے انکشاف کیا ہے کہ وزیراعظم شنزو آبے نے نوبل انعام برائے امن کے لیے صدر ٹرمپ کا نام خود سے نہیں بلکہ امریکی صدر کی درخواست پر تجویز کیا۔

جاپانی اخبار نے دعویٰ کیا ہے وزیراعظم شنزوآبے نے اس سال کے نوبل امن انعام کے ليے صدر ٹرمپ کا نام خود امریکی صدر کی درخواست اور خواہش پر تجویز کیا ہے۔ جاپانی حکام نے نام نہ ظاہر کرنے کی شرط پر اخبار کو بتایا کہ اس حوالے سے امریکی صدر کے دعویٰ میں کوئی صداقت نہیں۔

قبل ازیں امریکی صدر ٹرمپ نے دعویٰ کيا تھا کہ جاپانی وزیراعظم نے انہيں شمالی کوريا کے ساتھ مذاکرات شروع کرنے پر نوبل انعام برائے امن کے لیے نامزد کيا ہے اور اس کے لیے وزیراعظم شنزوآبے نے پانچ صفحات پر مشتمل خوبصورت خط تحریر کیا ہے۔

واضح رہے کہ رواں برس کے نوبل امن انعام  کی نامزدگیوں کا سلسلہ شروع ہو گیا ہے اور جاپانی وزیراعظم نے امریکی صدر کا نامزد تجویز کردیا ہے۔ نوبل انعام کا اعلان رواں برس اکتوبر میں کیا جائے گا۔ قوانین کے تحت کوئی بھی شخص کسی بھی شخص کا تجویز کرسکتا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔