عالیہ بھٹ نے اپنے سابق بوائے فرینڈ سے تعلق پر خاموشی توڑ دی

 ممبئی: بالی ووڈ اداکارہ عالیہ بھٹ اپنے سابق بوائے فرینڈ سدھارتھ ملہوترا سے تعلق پر بول پڑیں۔

بھارتی میڈیا کے مطابق عالیہ بھٹ نے اپنے سابق بوائے فرینڈ سے متعلق لب کشائی کرتے ہوئے کہا کہ ’میں اُن کو بہت عرصے سے جانتی ہوں، ہم دونوں نے فنی کیریئر بھی ایک ساتھ شروع کیا، آج بھی ہمارے درمیان بہت سی یادیں ہیں اور سدھارتھ کے لیے میرے دل میں آج بھی پیار اور احترام کا رشتہ قائم ہے۔

عالیہ بھٹ نے یہ بھی کہا کہ سچ کہوں تو ہمارے درمیان کبھی کوئی مسئلہ نہیں رہا اور نہ ہی میرے دل میں اُن کے لیے کوئی برائی ہے، آج بھی میرے دل میں اُن کے لیے مثبت جذبات ہیں اور مجھے یقین ہے کہ وہ بھی اسی طرح سوچتے ہوں گے کیوں کہ ہم دونوں نے بہت سی کامیابیاں ایک ساتھ حاصل کی ہیں حتیٰ ہمارے درمیان کوئی غلط فہمی نہیں ہوئی۔

یہ پڑھیں: رنویر اورعالیہ کی فلم ’گلی بوائے‘ کا باکس آفس پر شاندار آغاز

قبل ازیں سدھارتھ ملہوترا نے کرن جوہر کے شو میں عالیہ بھٹ سے متعلق کہا تھا کہ مجھے نہیں لگتا ہے عالیہ سے علیحدگی کے بعد تعلقات میں تلخی آئی  لیکن یہ بھی سچ ہے کہ علیحدگی کے بعد سے ہم کبھی نہیں ملے۔