پی ایس ایل میں سامنے آنے والے ٹیلنٹ سے گریم اسمتھ بھی متاثر

عباس رضا  پير 18 فروری 2019
نوجوان کھلاڑیوں کو پرفارم کرتے دیکھنا شاندار تجربہ ہے، گریم اسمتھ - فوٹو: پی ایس ایل

نوجوان کھلاڑیوں کو پرفارم کرتے دیکھنا شاندار تجربہ ہے، گریم اسمتھ - فوٹو: پی ایس ایل

سابق جنوبی افریقی کپتان کا کہنا ہے کہ ایونٹ میں نوجوان کھلاڑیوں کو پرفارم کرتے دیکھنا شاندار تجربہ ہے۔

پی ایس ایل کی ویب سائٹ کو انٹرویو میں جنوبی افریقا کے سابق کپتان گریم اسمتھ کا کہنا تھا کہ اے بی ڈی ویلیئرز کی جانب سے پی ایس ایل میں شرکت اور پاکستان میں کھیلنے کا فیصلہ بڑا خوش آئند ہے، اس اقدام سے پاکستان میں انٹرنیشنل کرکٹ کی بحالی میں مدد ملے گی، پاکستان کے نوجوان پلیئرز کو اے بی ڈی ویلیئرز سمیت سپر اسٹارز کے ساتھ کھیلتے ہوئے بہت کچھ سیکھنے اور اپنی کارکردگی بہتر بنانے کا موقع ملے گا۔

گریم اسمتھ نے کہا کہ جنوبی افریقہ میں پاکستان کرکٹ ٹیم ناکامیوں کے باوجود ڈٹ کر مقابلہ کرنے کے لئے کوشاں نظر آئی، خاص طور پر بابراعظم اور شاہین شاہ آفریدی نے بہت متاثر کیا، پاکستان میں بولنگ ٹیلنٹ کی کبھی کمی نہیں رہی، پی ایس ایل میں بھی بولرز اپنی مہارت کا بھرپور مظاہرہ کر رہے ہیں، امید ہے کہ اس ایونٹ سے پاکستان کرکٹ کی قوت میں مزید اضافہ ہوگا، مضبوط ٹیمیں انٹرنیشنل کرکٹ کے مستقبل کے لیے بھی خوش آئند ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔