کوئٹہ گلیڈی ایٹرز نے سنسنی خیز مقابلے کے بعد لاہور قلندرز کو شکست دیدی

شارجہ: پی ایس ایل کے بارہویں میچ میں کوئٹہ گلیڈی ایٹرز نے سنسنی خیز مقابلے کے بعد لاہور قلندرز کو شکست دے دی۔ 

شارجہ میں کھیلے گئے پاکستان سپر لیگ کے چوتھے ایڈیشن کے بارہویں میچ میں لاہور قلندرز مقررہ اوورز میں صرف 143 رنز ہی بناسکی جس کے جواب میں کوئٹہ گلیڈی ایٹرز کے شین واٹسن اور احسان علی نے اننگز کا آغاز کیا لیکن واٹسن پہلے ہی اوور میں کھاتہ کھولے بغیر راحت علی کا شکار بن گئے۔

https://twitter.com/_cricingif/status/1099304948066603009

ریلی روسوو کی ہمت بھی 17 رنز پر جواب دے گئی اور عمر اکمل بھی 9 رنز بناکر پویلین واپس لوٹ گئے جب کہ ڈیرن اسمتھ صرف 2 رنز کے مہمان ثابت ہوئے تاہم اوپننگ بلے باز احسن علی وکٹ پر ڈٹے رہے اور 40 رنز کی اننگز کھیل کر آؤٹ ہوئے۔

https://twitter.com/_cricingif/status/1099310920344444930

بعد ازاں کپتان سرفراز احمد اور محمد نواز نے ذمہ دارنہ بیٹنگ کا مظاہرہ کیا اور بڑی شارٹس مارنے کے بجائے سنگل ڈبل کے ذریعے رن ریٹ کو برقرار رکھا اور اس دوران نے قسمت نے بھی دونوں کو بھرپور ساتھ دیا، لاہور قلندرز نے 3،4 رن آؤٹ ضائع کرکے میچ کوئٹہ کے لیے آسان کردیا، محمد نواز 19 رنز بناکر آؤٹ ہوئے۔

https://twitter.com/thePSLt20/status/1099331500561125376

کوئٹہ گلیڈی ایٹرز کو آخری اوور میں جیت کے لیے 7 رنز درکار تھے، ڈیوڈ ویزے نے پہلی ہی گیند پر انور علی کو بولڈ کردیا، آخری گیند پر جیت کے لیے 2 رنز درکار تھے، سرفراز احمد نے چھکا رسید کرکے لاہور قلندرز کی امیدوں پر پانی پھیر دیا۔ کوئٹہ گلیڈی ایٹرز کے کپتان سرفراز احمد 52 رنز پر ناقابل شکست رہے۔ لاہور قلندرز کی جانب سے حارث رؤف نے 2 جب کہ سندیب لیمی چین، یاسر شاہ، ڈیوڈ ویزے اور راحت علی نے ایک ایک وکٹ حاصل کی۔

Two incredible nights! Two incredible stories! The beauty of #HBLPSL#KhelDeewanoKa #DavidWiese pic.twitter.com/S5m1eWuNgn

— PakistanSuperLeague (@thePSLt20) February 23, 2019

اس سے قبل کوئٹہ گلیڈی ایٹرز کے کپتان سرفراز احمد نے ٹاس جیت کر فیلڈنگ کو ترجیح دیتے ہوئے لاہور قلندرز کو بیٹنگ کی دعوت دی، فخرزمان اور سہیل اختر نے اننگز کا آغاز کیا تو فخرزمان صرف 3 رنز بناکر محمد نواز کا شکار بن گئے، سلمان بٹ اپنے دوسرے میچ میں بھی ناکام ثابت ہوئے اور صرف 5 رنزبناکر پویلین واپس لوٹے۔

https://twitter.com/_cricingif/status/1099287352697151490

سہیل اختر 39 رنز کی جارحانہ اننگز کھیل کرآؤٹ ہوئے جس میں 3 چھکے اور ایک چوکا شامل تھا جب کہ پی ایس ایل میں اپنا پہلا میچ کھیلنے والے کورے اینڈرسن کی اننگز بھی 19 رنز تک محدود رہی اور گزشتہ میچ کے ہیرو ڈیوڈ ویزے اس بار 20 رنز پر ہمت ہار بیٹھے۔ اے بی ڈی ویلیئرز 45 رنز پر ناٹ آؤٹ رہے۔

https://twitter.com/_cricingif/status/1099293614222573568

کوئٹہ گلیڈی ایٹرز کی جانب سے غلام مدثر نے 3، سہیل تنویر نے 2 جب کہ محمد نواز اور انور علی نے ایک ایک وکٹ حاصل کی۔

واضح رہے لاہور قلندرز نے بھی گزشتہ روز ملتان سلطانز کے خلاف آخری گیند پر چھکا لگا کر فتح حاصل کی تھی۔