- وزیر خزانہ محمد اورنگزیب کی چینی ہم منصب سے ملاقات، سی پیک کے دوسرے مرحلے کیلیے عزم کا اظہار
- پولیس سرپرستی میں اسمگلنگ کی کوشش؛ سندھ کے سابق وزیر کی گاڑی سے اسلحہ برآمد
- ساحل پر گم ہوجانے والی ہیرے کی انگوٹھی معجزانہ طور پر مل گئی
- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گزشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
سٹی اور کینٹ اسٹیشن سے ٹکٹ بلیک کرنیوالے 6 ملزمان گرفتار
ایس پی ریلوے نے مبینہ غفلت پر کینٹ ریلوے تھانے کے56 ملازمین کو لائن حاضر کردیا
ایس پی ریلوے نے مبینہ غفلت پر کینٹ ریلوے تھانے کے56 ملازمین کو لائن حاضر کردیا. فوٹو: فائل
کراچی: ایس پی ریلوے نے پولیس کی بھاری نفری کے ہمراہ سٹی اور کینٹ ریلوے اسٹیشن پر چھاپہ مار کارروائی کے دوران بلیک ٹکٹ فروخت کرنے والے2 ملزمان سمیت 6 ملزمان کو گرفتار کر لیا۔
ایس پی ریلوے نے مبینہ غفلت برتنے پر کینٹ ریلوے تھانے کے56 ملازمین کو لائن حاضر کراچی کینٹ جبکہ اسپیشل پارٹی کا تبادلہ کر کے لائن حاضر لاہور بھیج دیا ، سٹی ریلوے تھانے کے عملے کے خلاف پر اسرار طور پر کسی قسم کی کارروائی نہیں کی گئی ۔ تفصیلات کے مطابق پاکستان ریلوے پولیس کے آئی جی سید ابن حسن کی حکم پر ایس پی ریلوے ڈی ایس پی کاشف لالی نے پولیس کی بھاری نفری کے ہمراہ سٹی ریلوے اسٹیشن پر چھاپہ مار کارروائی کے دوران 2 ملزمان عبد الرحمٰن اور خاور نسیم کو گرفتار کر کے ان کے قبضے سے شالیمار ایکسپریس کی 2 ٹکٹیں برآمد کر لیں ترجمان ریلوے پولیس کے مطابق گرفتار ملزم عبد الرحمٰن ریلوے کے نجی ادارے پراکس میں ریزرویشن کلرک ہے جو ہزارہ ایکسپریس کی بکنگ کرتا ہے ۔
ملزم ریلوے سے ٹکٹیں خرید کر سٹی اسٹیشن پر پارکنگ کے ٹھیکیدرا ریاض کے پاس کام کرنے والے خاور نسیم کو دیتا تھا جو وہ ٹکٹیں ایک ہزار روپے سے 1500 روپے زائد وصول کر کے بلیک کرتا تھا ، ملزمان گزشتہ کئی ماہ سے ٹکٹیں بلیک کرنے کا کام کر رہے تھے ، گرفتار ملزمان کے خلاف سٹی ریلوے تھانے میں بجرم دفعہ 420 ، 114/34، پی پی سی کے تحت ایف آئی آر نمبر 21/13 درج کر لی جبکہ دوسری کارروائی میں کینٹ ریلوے اسٹیشن پر مین ریلوے لائن پر بھاگ دوڑ کرنے والے 4 ملزمان کو گرفتار کر لیا۔
گرفتار ملزمان بغیر پلیٹ فارم ٹکٹ ریلوے لائن پر گھوم رہے تھے گرفتار ملزمان کے خلاف ریلوے ایکٹ 122 ، 113/34 پی پی سی کے تحت ایف آئی آر نمبر 30/13 کینٹ ریلوے تھانے میں درج کر لی ، ترجمان کے مطابق ایس پی ریلوے کاشف نے کینٹ ریلوے تھانے میں تعینات 56 ملازمین کو لائن حاضر کراچی کینٹ جبکہ ایس پی ریلوے کراچی ڈویژن کی اسپیشل پارٹی کے انچارج سلمان سمیت 10 اہلکاروں کا تبادلہ پولیس لائن لاہورکر دیا ، ذرائع نے بتایا کہ ایس پی ریلوے سکھر نے سکھر ریلوے تھانے کے پورے عملے کا تبادلہ کوئٹہ جبکہ کوئٹہ ریلوے تھانے کے عملے کا تبادلہ سکھر کر دیا ، پر اسرار طور پر سٹی ریلوے تھانے کے کسی اہلکار کے خلاف کارروائی نہیں کی گئی جو ٹرینوں کی بلیک مارکیٹ کا مرکز ہے جہاں کا ہر اہلکار مبینہ طور پر ٹرین کی ٹکٹوں کے بلیک میں ملوث ہے ۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔
