فلمی سین کی نقل کرتے ہوئے نرس کے ہاتھوں بوائے فرینڈ کا قتل

ویب ڈیسک  پير 11 مارچ 2019
شراب کے نشے میں دھت نرس نے اپنے بوائے فرینڈ کے ہمراہ فلمی سین کی نقل کرتے ہوئے اس پر گولی چلا دی (فوٹو : فولٹن پولیس ڈپارٹمنٹ)

شراب کے نشے میں دھت نرس نے اپنے بوائے فرینڈ کے ہمراہ فلمی سین کی نقل کرتے ہوئے اس پر گولی چلا دی (فوٹو : فولٹن پولیس ڈپارٹمنٹ)

میسوری: امریکا میں فلمی سین کی نقل کرنے کے دوران کھیل ہی کھیل میں نشے میں دھت نرس نے اپنے بوائے فرینڈ کو گولی مار کر ہلاک کردیا۔

بین الاقوامی خبر رساں ادارے کے مطابق امریکی ریاست میسوری میں 37 سالہ نرس نے شراب کے نشے میں دھت ہو کر اپنے بوائے فرینڈ کے سر پر گولی مار دی جس کے نتیجے میں 36 سالہ ڈیوڈ ڈالٹن موقع پر ہی ہلاک ہوگیا۔

نرس کلیشہ پیٹرسن نے تفتیش کے دوران بتایا کہ وہ اپنے بوائے فرینڈ کے ساتھ فلم دیکھ رہی تھی اور دونوں نشے میں تھے، اسی دوران ڈیوڈ نے ایک فلمی سین کی نقل کرنے کا اصرار کیا اور سین کی اداکاری کے دوران گولی چل گئی۔

ملزمہ نے ریسکیو ٹیم کو فون کیا تاہم امدادی ٹیم کے پہنچنے سے پہلے ہی ڈیوڈ ڈالٹن زیادہ خون بہہ جانے کے باعث ہلاک ہوگئے، پولیس نے ملزمہ کو غیر قانونی اسلحہ رکھنے اور قتل کے الزام کی دفعات کے تحت حراست میں لے لیا، ملزمہ کے کمرے سے شراب کی بوتل، پستول اور گولیاں بھی برآمد ہوئی ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔