- فیصل واوڈا نے عدالتی نظام پر اہم سوالات اٹھا دیئے
- پاکستان کو آئی ایم ایف سے قرض کی نئی قسط 29 اپریل تک ملنے کا امکان
- امریکی اکیڈمی آف نیورولوجی نے پاکستانی پروفیسر کو ایڈووکیٹ آف دی ایئر ایوارڈ سے نواز دیا
- کوہلو میں خراب سیکیورٹی کے باعث ری پولنگ نہیں ہوسکی
- 9 ماہ کے دوران 9.8 ارب ڈالر کا قرض ملا، وزارت اقتصادی امور ڈویژن
- نارووال: بارات میں موبائل فونز سمیت قیمتی تحائف کی بارش
- کراچی کے مختلف علاقوں میں زلزلے کے جھٹکے
- کوئٹہ: برلن بڈی بیئر چوری کے خدشے کے پیش نظر متبادل جگہ منتقل
- گجرات میں اسپتال کی چھت گرنے سے خاتون سمیت تین افراد جاں بحق
- سعودی فرمانروا طبی معائنے کیلیے اسپتال میں داخل
- امریکی سیکریٹری اسٹیٹ سرکاری دورے پر چین پہنچ گئے
- ہم یہاں اچھی کرکٹ کھیلنے آئے ہیں، جیت سے اعتماد ملا، مائیکل بریسویل
- پچھلے میچ کی غلطیوں سے سیکھ کر سیریز جیتنے کی کوشش کرینگے، بابراعظم
- امریکا میں ٹک ٹاک پر پابندی کا بل سینیٹ سے بھی منظور
- محمد رضوان اور عرفان خان کو نیوزی لینڈ کے خلاف آخری دو میچز میں آرام دینے کا فیصلہ
- کے ایم سی کا ٹریفک مسائل کو حل کرنے کیلئے انسداد تجاوزات مہم کا فیصلہ
- موٹروے پولیس اہلکار کو روندنے والی خاتون گرفتار
- ہندو جیم خانہ کیس؛ آپ کو قبضہ کرنے نہیں دیں گے، چیف جسٹس کا رمیش کمار سے مکالمہ
- بشری بی بی کو کچھ ہوا تو حکومت اور فیصلہ سازوں کو معاف نہیں کریں گے، حلیم عادل شیخ
- متحدہ وفد کی احسن اقبال سے ملاقات، کراچی کے ترقیاتی منصوبوں پر تبادلہ خیال
پی ایس ایل ڈائری
کوئٹہ گلیڈی ایٹرز کی کراچی کنگز سے اپ سیٹ شکست کے بعد لاہور قلندرز کے پہلے ہی راؤنڈ سے اخراج پر مہر تصدیق ثبت ہو چکی تھی، لہذا آج اس کے ملتان سلطانز سے مقابلے کی کوئی اہمیت نہیں رہی،شاید اسی لیے پہلے میچ میں بہت زیادہ شائقین اسٹیڈیم نہیں آئے،البتہ دوسرے میں کئی اسٹینڈز بھر چکے تھے۔
قلندرز کی باڈی لینگوئج سے ایسا لگ رہا تھا کہ وہ بس رسمی کاروائی پوری کرنے کیلیے آخری میچ میں شریک ہیں، یکطرفہ مقابلے میں ملتان نے فتح حاصل کر لی اور لاہور نے مسلسل چوتھے برس آخری نمبر پر رہنے کی روایت برقرار رکھی۔
میچ میں شاہد آفریدی شائقین کی توجہ کا مرکز بنے رہے، خاص طور پر جب وہ بیٹنگ کیلیے اسٹیڈیم آئے تو عوام میں ایک جوش سا بھر گیا، بعض لوگوں نے یہ قیاس ظاہر کیا کہ شاید وہ آخری بار ہوم گراؤنڈ پر کھیل رہے ہیں، مگر میچ کے بعد انٹرویو میں شعیب ملک نے ہی واضح کر دیا کہ ایسی کوئی بات نہیں ہے، پھر آفریدی نے بھی پریس کانفرنس میں یہی کہا کہ وہ بدستور کھیلتے رہیں گے اور اگلے سال بھی پی ایس ایل میں حصہ لینا چاہتے ہیں، آفریدی کو انٹرنیشنل کرکٹ چھوڑے کافی عرصہ ہو گیا مگر وہ بدستور شائقین کی آنکھ کا تارا ہیں اور اسٹار ڈم برقرار ہے، ایسی شہرت کم ہی لوگوں کے حصے میں آتی ہے۔
آج اسٹیڈیم کی چھت کو مکمل دیکھ کر بہت اچھا لگا، تین اسٹینڈز پر ٹیفلون فیبرک نہ لگنے کی وجہ سے اسٹیڈیم کی خوبصورتی متاثر ہو رہی تھی، اب وہ ادھورا پن ختم ہو گیا، اگر آپ اونچائی سے لی ہوئی تصاویر دیکھیں تو یہ دبئی اسٹیڈیم جیسا ہی لگتا ہے۔ اتوار کو مین بلڈنگ کی لفٹ خراب ہو گئی تھی اور پیر کی دوپہر تک ٹھیک نہ ہوئی جس سے خاص طور پر بزرگوں کو تکلیف کا سامنا کرنا پڑا ، ویسے ایک لفٹ کم ہے یہاں مزید لفٹس لگانا چاہئیں۔
آخر میں کچھ کوئٹہ گلیڈی ایٹرز کے شین واٹسن کا ذکر کر دوں، ان کی ایک تصویر سوشل میڈیا پر زیرگردش ہے جس میں وہ کسی گراؤنڈ میں اپنے بچوں کے ساتھ کھیل رہے ہیں، اسے نیشنل اسٹیڈیم قرار دیا جا رہا ہے جو درست نہیں، واٹسن اکیلے کراچی آئے ہیں، آج وہ کوئٹہ ٹیم مینجمنٹ کی مہمان نوازی سے لطف اندوز ہوتے رہے۔ پی ایس ایل میں اب منگل کو آرام کا دن ہے، بدھ سے پلے آف میچزکا سلسلہ پھر شروع ہوگا جس میں سنسنی خیز مقابلوں کی توقع ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔