- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گذشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
- ایل ڈی اے نے 25 ہاﺅسنگ سوسائٹیوں کے پرمٹ اور مجوزہ لے آﺅٹ پلان منسوخ کردیے
- امریکا نے اقوام متحدہ میں فلسطین کی مستقل رکنیت کی قرارداد ویٹو کردی
- وزیراعظم کا اسمگلنگ کے خاتمے کے لیے ملک گیر مہم تیز کرنے کا حکم
- جی-7 وزرائے خارجہ کا اجلاس؛ غزہ میں جنگ بندی کا مطالبہ
- پنڈی اسٹیڈیم میں بارش؛ بھارت نے چیمپیئنز ٹرافی کی میزبانی پر سوال اٹھادیا
- اس سال ہم بھی حج کی نگرانی کرینگے شکایت ملی تو حکام کو نہیں چھوڑیں گے، اسلام آباد ہائیکورٹ
- بشریٰ بی بی کو کھانے میں ٹائلٹ کلینر ملا کر دیا گیا، عمران خان
بینظیر قتل کیس مشرف سمیت7ملزمان پر آج فرد جرم عائد کی جائے گی
راولپنڈی: سابق وزیر اعظم محترمہ بینظیر بھٹوکے قتل کیس میں آج منگل6اگست کو مرکزی ملزم سابق صدر جنرل پرویز مشرف سمیت7ملزمان پر باقاعدہ فرد جرم عائدکی جائے گی اور ملک کے اس اہم ترین مقدمے کی5سال8 ماہ10دن بعد از سر نو سماعت شروع کر دی جائے گی۔
عدالت کے حکم پر آج منگل کو بھی ملزم پرویز مشرف کو انسداد دہشتگردی کی خصوصی عدالت نمبر1میں پیش کیا جائے گا۔سابق صدر جنرل پرویز مشرف پر5 نکاتی چارج شیٹ(فرد جرم) تیارکی گئی ہے جس میں الزام لگایا گیا ہے کہ1۔سابق وزیر اعظم کو درخواستوں کے باوجود دو سابق وزرائے اعظم شوکت عزیز اور چوہدری شجاعت کی طرح وی وی آئی پی سیکیورٹی فراہم نہیں کی گئی2۔سابق وزیر اعظم کو قتل کرنے کیلئے مبینہ طور پر سازش مجرمانہ تیارکی گئی،3۔ خودکش حملہ کیلئے مبینہ دہشتگردوں کو بینظیر بھٹو تک رسائی فراہم کی گئی،4۔ سابق وزیر اعظم کو مسلسل(ٹیلی فون اور ای میل پر) قتل کی دھمکیاں دی گئیں ،5۔ واقعے میں دہشتگردی کا ارتکاب کیا گیا۔سابق صدر پرویز مشرف کے علاوہ دیگر ملزمان سابق ڈی آئی جی سعود عزیز، سابق ایس پی خرم شہزاد، شیر زمان، رفاقت،حسنین اور عبدالرشید شامل ہیں، آٹھویں ملزم اعتزاز شاہ پر از سر نو فرد جرم عائد نہیں کی جائے گی اس کا کیس کم عمری کے باعث الگ ٹرائل کیا جارہا ہے، اس کے علاوہ ساتوں ملزمان پر نئی فرد جرم تیارکر لی گئی ہے۔
اس سے قبل عدالت نے جن24گواہان کے بیانات ریکارڈ کیے تھے وہ سب بیانات منسوخ کر دیے گئے ہیں ،اب تمام گواہان کی از سر نو طلبی ہوگی۔ فرد جرم عائدکیے جانے کے ساتھ ہی5 گواہان کوبھی طلب کیا جائے گا۔ آج ملزم پرویز مشرف کی طرف سے مقدمے کے فیصلے تک حاضری سے مستثنیٰ قرار دینے کی درخواست بھی دائر کی جائے گی جس کی سرکاری پراسیکیوٹر کی طرف سے مخالفت نہ کیے جانے کا امکان ہے۔ملزم پرویز مشرف کی پیشی کے باعث پولیس نے سیکیورٹی کے انتہائی سخت انتظامات کیے ہیں۔ رینجرز اورکمانڈوزکو بھی تعینات کر دیا گیا ہے،عدالت کی چھت پر باقاعدہ مورچہ بنایا گیا ہے جس میں رینجرز تعینات ہوں گے۔تمام راستوں کے علاوہ قرب و جوارکی چھتوں پر بھی پولیس کمانڈوز تعینات ہوں گے، عدالت کے دونوں اطراف خاردار تاریں بھی لگائی جائیں گی جبکہ وکلاء کے داخلے کیلیے عقبی راستہ مختص کیا گیا ہے،ملزم پرویز مشرف فرد جرم کی صحت سے انکارکریں گے اور اپنی بے گناہی ثابت کرنے کی استدعا کریں گے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔