صحیح احتساب ہو تو بیشتر ارکان اسمبلی جیلوں میں ہوں گے، سرج الحق

ویب ڈیسک  جمعرات 14 مارچ 2019
حکومت سیکھنے میں ہی پانچ سال لگادے گی، ہم ملک کے لئے دعا کررہے ہیں، امیر جماعت اسلامی فوٹو:فائل

حکومت سیکھنے میں ہی پانچ سال لگادے گی، ہم ملک کے لئے دعا کررہے ہیں، امیر جماعت اسلامی فوٹو:فائل

مٹھی: امیر جماعت اسلامی پاکستان سینیٹر سراج الحق نے کہا ہے کہ صحیح احتساب ہو تو بیشتر ارکان اسمبلی جیلوں میں ہوں گے۔

مٹھی تھرپارکر میں امیر جماعت اسلامی سینیٹر سراج الحق نے الخدمت ویلفیئر سوسائٹی اسپتال کا افتتاح کیا۔ اس موقع پر میڈیا سے بات چیت کرتے ہوئے سینیٹر سرج الحق نے کہا کہ ملک کے بڑے صوبے پنجاب کا وزیراعلیٰ عثمان بزدار کہتا ہے کہ میں آہستہ آہستہ سیکھ رہا ہوں، یہ لوگ اس طرح پانچ سال سیکھنے میں لگادیں گے،ہم اپنے ملک کے لئے دعا کررہے ہیں۔

سراج الحق نے کہا کہ بھارت کی طرف سے ملک کو چیلنجز درپیش ہیں مگر اس وقت فوج، عوام اور حزب اختلاف متحد ہیں، ہم سب وطن کی حفاظت کے لیے تیار ہیں۔ امیر جماعت اسلامی پاکستان نے کہا کہ ملک میں اگر صحیح معنوں میں احتساب ہوا تو پارلیمنٹ میں موجود اکثر لوگ جیلوں میں ہوں گے۔



ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔