ہالینڈ میں میٹرو ٹرین پر فائرنگ سے 3 افراد ہلاک، 9 زخمی

ایمسٹر ڈیم: ہالینڈ کے وسطی شہر یوتریخت میں مسافر ٹرام پر مسلح شخص کی فائرنگ سے خاتون سمیت 3 افراد ہلاک اور 9 زخمی ہوگئے۔

بین الاقوامی خبر رساں ادارے کے مطابق ہالینڈ کے وسطی شہر میں مسافروں کو لے جانے والی ٹرام پر مسلح شخص نے اندھا دھند فائرنگ کر دی جس کے نتیجے میں خاتون سمیت 3 افراد ہلاک اور 9 زخمی ہوگئے جن میں سے 3 کی حالت نازک بتائی جارہی ہے۔

یوتریخت پولیس کا کہنا ہے کہ حملہ آور کی شناخت ’گوک مین تانس‘ کے نام سے ہوئی ہے جو 37 سالہ ترک نژاد ہے۔ پولیس نے فائرنگ کے واقعے کو دہشت گردی کا عمل قرار دیتے ہوئے ملزم کی تصویر بھی جاری کی جسے بعدازاں گرفتار کرلیاگیا۔

فائرنگ کی اطلاع ملتے ہی سیکیورٹی فورسز نے ٹرام اسٹیشن کا گھیراؤ کرلیا، جب کہ ریسکیو ٹیموں نے جائے وقوعہ پہنچ کر لاشوں اورزخمیوں کو اسپتال منتقل کیا،ریسکیو ٹیم میں طبی سہولیات سے لیس 3 ہیلی کاپٹر بھی شامل تھے اس دوران قریبی اسپتالوں میں ایمرجنسی نافذ رہی،واقعے کے بعد ٹرام اسٹیشن کے اطراف رہنے والے افراد کو گھر سے باہر نہ نکلنے کی ہدایت کی گئی ۔

BREEK – Volgens getuigen heeft een man in een tram op weg naar Utrecht CS een wapen getrokken en meerdere personen neergeschoten. Hulpdiensten massaal aanwezig en bezig met eerste hulp in de tram. pic.twitter.com/eQOWF2e5Ze

— Yelle Tieleman (@YelleTieleman) March 18, 2019