مہوش کے بعد عائشہ عمر’ تمغہ فخرِ پاکستان‘ ملنے پرتنقید کا نشانہ بن گئیں

ویب ڈیسک  جمعـء 22 مارچ 2019
اپنے ملک کے لیے اسی طرح فخرکاباعث بنتی رہوں گی، عائشہ عمرفوٹوفائل

اپنے ملک کے لیے اسی طرح فخرکاباعث بنتی رہوں گی، عائشہ عمرفوٹوفائل

کراچی: نامورپاکستانی اداکارہ مہوش حیات تمغہ امیتازملنے کے اعلان پرتنقید کا نشانہ بننے کے بعد اب اداکارہ وگلوکارہ عائشہ عمر ’’تمغہ فخرِ پاکستان‘‘ ملنے پر سوشل میڈیا صارفین کے نشانے پر آگئیں۔

ابھی مہوش حیات کو تمغہ امتیاز ملنے کا تنازعہ ختم نہیں ہوا تھا کہ ایک اور تنازعہ نے سر اٹھا لیا اس بار خوبرو پاکستانی اداکارہ وگلوکارہ و ماڈل عائشہ عمر تنقید کا نشانہ بنی ہیں۔ انہیں ’’تمغہ فخرِ پاکستان‘‘ ملنے پرشدید تنقید کا نشانہ بنایا جارہا ہے۔ حال ہی میں عائشہ عمر کو شوبز انڈسٹری میں 10 سالہ خدمات کے اعتراف میں ایک انٹرنیشنل فاؤنڈیشن کی جانب سے ’’تمغہ فخرِ پاکستان‘‘ اور’’گلوبل وومن ایوارڈ‘‘ سے نوازا گیا ہے۔ عائشہ عمر نے یہ خبر سوشل میڈیا پر شیئر کرکے اپنی خوشی اپنے چاہنے والوں کے ساتھ شیئرکرتے ہوئے  فاؤنڈیشن کی انتظامیہ کا شکریہ ادا کیا اورکہا کہ میں اپنے ملک کے لیے اسی طرح فخر کا باعث بنتی رہوں گی۔

View this post on Instagram

Recieveing my “Tamgha-e-Fakhr-e-Pakistan” and the “Global Women’s Award” 🏅 from the @warsi_international foundation. Thank you CEO Mr Usama Khan Warsi and Mr. Ishtiaq Baig for awarding me with this recognition of my hard work and efforts in the past 10 years for the progress of the Pakistani television/media/film industry and for using/lending my voice and services to support social causes and issues that I feel strongly about. I hope I can continue to do my country proud, internally and internationally. My heartiest Congratulations to my amazing, inspiring and hard working fellow awardees and recipients. I cannot thank you all enough. I have learnt so much for each and every one of you over the years and you have inspired me to carry on and keep believing in myself even when it was tough to do so. I could not be more grateful for all of you in my life and for the Award/medal. Sending out love and gratitude back to all of YOU, my insta family and friends for supporting and appreciating me and helping me stand where I am today. I love you all so, so much. 🙏🙏🙏❤️❤️❤️ #ayeshaomar #karachi #globalwomensawards #feelinghumbled #pakistaniactor

A post shared by Ayesha Omar (@ayesha.m.omar) on

تاہم سوشل میڈیا صارفین کو عائشہ کو ’’تمغہ فخرِ پاکستان‘‘ ملنا ہضم نہیں ہورہا اور انہوں نے مہوش حیات کی طرح عائشہ عمر کو بھی یہ اعزاز ملنے پر آڑے ہاتھوں لیتے ہوئے کہا کہ عائشہ عمر بطور ماڈل اچھی ہے پر یہ اس ایوارڈ کے قابل نہیں، کوئی ایک کام بتادو عائشہ کا جس کی وجہ سے انہیں اس ایوارڈ سے نوازا گیا ہے شرم کی بات ہے۔

اس خبرکوبھی پڑھیں: تمغہ امتیاز کے بعد مہوش حیات ایک اور تنازع میں پھنس گئیں

کچھ صارفین نے عائشہ عمرکے ساتھ مہوش حیات کوبھی تنقید کا نشانہ بناتے ہوئے کہا پہلے مہوش اور اب عائشہ، ایسا کیا کیا ہے دونوں نے کہ انہیں اعزازات سے نوازا جارہاہے۔ دلچسپ بات یہ ہے کہ کچھ لوگوں کو عائشہ عمر کے ایوارڈ لینے پر نہیں بلکہ ان کے لباس پر اعتراض ہوا اورانہوں نے لباس پر تنقید کرتے ہوئے کہا اگر ایوارڈ لینا ہی تھا تو کم از کم پاکستانی لباس پہن کر جاتی لیکن ان لوگوں کو تو مغرب کی ہوا لگی ہوئی ہے۔

تاہم جہاں کچھ لوگوں نے عائشہ پر تنقید کی وہیں ان کے چاہنے والوں نے انہیں اس ایوارڈ سے نوازے جانے پر مبارکباد دی اور کہا آپ اس ایوارڈ کی حقدار تھیں اسی لیے یہ اعزاز آپ کو دیا گیا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔