سبز ہلالی پرچم کا رنگ ’’برج الخلیفہ‘‘ پر بھی چڑھ گیا

ویب ڈیسک  ہفتہ 23 مارچ 2019
اس موقع پر دبئی میں موجود پاکستانیوں کی بڑی تعداد بھی ’’برج الخلیفہ‘‘ کے اطراف  موجود تھی،فوٹو:گلف نیوز

اس موقع پر دبئی میں موجود پاکستانیوں کی بڑی تعداد بھی ’’برج الخلیفہ‘‘ کے اطراف  موجود تھی،فوٹو:گلف نیوز

دبئی: یوم پاکستان پر سبز ہلالی پرچم کا رنگ دبئی میں دنیا کی سب سے بلند ترین عمارت ’’برج الخلیفہ‘‘ پر بھی چڑھ گیا اور عمارت رنگ و نور سے نہا گئی۔

دبئی میں واقع دنیا کی سب سے بلند ترین عمارت ’’برج الخلیفہ‘‘ کو یوم پاکستان کے موقع پر سبز ہلالی پرچم کے رنگوں کی روشنی سے منور کردیا گیا، عمارت کے درمیان میں پاکستانی پرچم میں موجود چاند ستارہ بھی بنا نظر آرہا تھا جس نے دیکھنے والوں کے دل موہ لیے۔

اس موقع پر دبئی میں موجود پاکستانیوں کی بڑی تعداد برج الخلیفہ کو پاکستانی پرچم کے رنگ میں رنگے دیکھنے کے لیے موجود تھی، عمارت کو جونہی سبز ہلالی پرچم اور چاند ستارے کے رنگ چڑھے تو شاندار لائٹنگ دیکھ کر پاکستانیوں نے پاکستان زندہ باد کے فلک شگاف نعرے بلند کیے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔