- پولر آئس کا پگھلاؤ زمین کی گردش، وقت کی رفتار سست کرنے کا باعث بن رہا ہے، تحقیق
- سندھ میں کتوں کے کاٹنے کی شکایت کیلئے ہیلپ لائن 1093 بحال
- کراچی: ڈکیتی کا جن قابو کرنے کیلیے پولیس کا ایکشن، دو ڈاکو ہلاک اور پانچ زخمی
- کرپٹو کے ارب پتی ‘پوسٹربوائے’ کو صارفین سے 8 ارب ڈالر ہتھیانے پر 25 سال قید
- گٹر میں گرنے والے بچے کی والدہ کا واٹر بورڈ پر 6 کروڑ ہرجانے کا دعویٰ
- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
اسپیشل اولمپکس میں 64 میڈلز جیتنے والے اسپیشل کھلاڑیوں کا پرتپاک استقبال
کراچی: اسپیشل اولمپکس میں پاکستان کا نام روشن کرنے والا دستہ وطن واپس پہنچ گیا تاہم اس موقع پر کھلاڑیوں کا ایئرپورٹ پر پرتپاک استقبال کیا گیا۔
جمعے اور ہفتے کی درمیانی شب اسپیشل اولمپکس کے کھلاڑیوں کا دستہ بیرون ملک سے وطن واپس پہنچ گیا، ایئرپورٹ پر ان کا والہانہ استقبال کیا گیا، بڑی تعداد میں اہل خانہ اور شائقین موجود تھے، کھلاڑیوں کے اہل خانہ خوشی سے نہال دکھائی دیے، ٹیم جیسے ہی ایئرپورٹ سے باہر آئی تو انھیں ہار پہنائے گئے اور پھولوں کی پتیاں نچھاور کی گئیں جبکہ اس موقع پر پاکستان زندہ باد کے فلک شگاف نعرے بھی لگائے گئے، ٹیم کے ہمراہ کوچ اور دیگر آفیشلز بھی موجود تھے۔
ابوظہبی میں ہونے والے اولمپکس گیمز میں پاکستانی کھلاڑیوں نے 64 میڈ لز اپنے نام کیے، 10مختلف کھیلوں کے انفرادی اور ٹیم ایونٹس میں سونے کے 19، چاندی کے 27 اور کانسی کے 18 تمغے جیتے، سونے کے تمغے فٹبال، ایتھلیٹکس، پاور لفٹنگ، ٹینس، سائیکلنگ اور باسکٹ بال میں جیتے۔
اس موقع پر ذرائع ابلاغ کے نمائندوں سے گفتگو کرتے ہوئے اسپیشل اولمپکس پاکستان کی سربراہ رونق لاکھانی نے کہا کہ کھلاڑیوں نے بہت زیادہ محنت کی تھی اور اولمپکس میں شاندار کارکردگی کا مظاہرہ کرتے ہوئے اسپیشل اولمپکس ورلڈ گیمز میں پاکستان کا نام روشن کیا۔
اس موقع پر فاتح کھلاڑیوں نے گفتگو کرتے ہوئے کہاکہ ورلڈ گیمز میں دنیا بھر سے کھلاڑی آئے ہوئے تھے لیکن ہم ہمت نہیں ہارے اور انتہائی محنت اور جانفشانی سے پریکٹس کی اور ایونٹس میں حصہ لیا جس میں سرخرو ہوئے، ان کا کہنا تھا کہ ہم نے ثابت کردیا کہ پاکستانی کسی بھی میدان میں کسی سے بھی پیچھے نہیں ہیں۔
کلفٹن کے شاپنگ مال میں تقریب، کھلاڑیوں کا خصوصی خیر مقدم
پاکستان اسپیشل اولمپکس کے تحت کلفٹن کے شاپنگ مال میں منعقدہ تقریب میں خصوصی کھلاڑیوں نے بھرپور شرکت کرکے اسے چار چاند لگا دیے، اس موقع پر ان کے والدین اور سرپرست بھی موجود تھے، شاپنگ سینٹر میں موجود شہریوں نے تالیاں بجا کر کر اسپیشل کھلاڑیوں کا خیر مقدم کیا اور ان کی عمدہ کارکردگی کو زبردست خراج تحسین پیش کیا۔
اس موقع پر اسپیشل کھلاڑیوں نے پاکستان کا قومی ترانہ پڑھا او فلک شگاف قومی نعرے بھی لگائے،پاکستان اسپیشل اولمپکس کی چیئر پرسن رونق لاکھانی کا کہنا تھا کہ پاکستان کے ان ہونہار بچوں نے عالمی مقابلوں میں بہترین کارکردگی سے اپنی اہلیت ثابت کی، یہ پاکستان کے لیے ایک بڑی کامیابی رہی، یہ ان کی وطن سے والہانہ محبت ہے کہ وہ اپنی آمد کے چند گھنٹوں بعد ہی وہ یوم پاکستان کی تقریب میں پہنچ گئے۔
پاکستان اسپیشل اولمپکس کی ایمبیسیڈر معروف آرٹسٹ ثروت گیلانی نے کہا کہ اسپیشل کھلاڑیوں کی کارکردگی نے پورے پاکستان کا سر فخر سے بلند کر دیا جبکہ انھوں نے ثابت کر دیا کہ وہ کسی سے کم نہیں۔
واضح رہے کہ ابوظہبی میں ہونے والے اسپیشل اولمپکس ورلڈ گیمز میں پاکستان کے بانوے ایتھلیٹس نے دس مختلف کھیلوں کے انفرادی اور ٹیم ایونٹ مقابلوں میں انیس گولڈ، ستائیس چاندی اور اٹھارہ کانسی کے تمغے جیتنے کا اعزاز حاصل کیا ہے، ایتھلیٹس نے جن کھیلوں میں سونے کے تمغے حاصل کیے ان میں فٹبال، ایتھلیٹکس، پاور لفٹنگ، ٹینس،سائیکلنگ، بوکی اور باسکٹبال شامل ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔