فیصل آباد میں بچے کے ہاتھوں ماں کے مبینہ قتل کا معمہ حل، اصل قاتل شوہر نکلا

ویب ڈیسک  پير 25 مارچ 2019
مقتولہ حنا کے شوہر رضوان نے قتل کا اعتراف کرلیا  فوٹو: ایکسپریس

مقتولہ حنا کے شوہر رضوان نے قتل کا اعتراف کرلیا فوٹو: ایکسپریس

فیصل آباد: پولیس نے بچے کے ہاتھوں ماں کے مبینہ قتل کا معمہ چند گھنٹوں کی تفتیش میں ہی حل کرتے ہوئے مقتولہ کے شوہر کو گرفتار کرلیا۔

ایکسپریس نیوز کے مطابق فیصل آباد کے تھانہ جھنگ بازار کی حدود کی رہائشی 26 سالہ حنا فاطمہ گھر میں ہی فائرنگ سے ہلاک ہوگئی تھی۔ مقتولہ کے شوہر رضوان نے پولیس کو بیان دیا کہ پستول لوڈ رکھی تھی کہ اذان نے کھلونا پستول سمجھ کر ماں پر تان کر گولی چلا دی۔ حنا فاطمہ کو اسپتال منتقل کیا گیا تاہم وہ راستے میں ہی دم توڑ گئی۔

پولیس نے شوہر کے بیان و حالات کے علاوہ تمام پہلوؤں سے تحقیقات شروع کردیں اور چند گھنٹوں میں ہی معمہ حل کرلیا۔ پولیس کے مطابق شواہد کی روشنی میں رضوان سے مزید پوچھ گچھ کی گئی اور سارا معاملہ سامنے آگیا، رضوان نے اپنی بیوی کے قتل کا اعتراف کرلیا ہے جس کے بعد ملزم کو حراست میں لے کر ضابطے کی کارروائی شروع کردی گئی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔