حکمران قوم سے سچ بولیں کہ وہ ڈرون حملے نہیں رکوا سکتے، الطاف حسین

ویب ڈیسک  ہفتہ 17 اگست 2013
تاریخ کتنی ہی تلخ اور تکلیف دہ کیوں نہ ہو ہمیں اپنی نئی نسل کو سچی تاریخ سے آگاہ کرنا چاہئے، الطاف حسین   فوٹو: فائل

تاریخ کتنی ہی تلخ اور تکلیف دہ کیوں نہ ہو ہمیں اپنی نئی نسل کو سچی تاریخ سے آگاہ کرنا چاہئے، الطاف حسین فوٹو: فائل

لندن: متحدہ قومی موومنٹ کے قائد الطاف حسین نے کہا ہے کہ وفاقی اور صوبائی حکمران قوم سے سچ بولیں کہ وہ ڈرون حملےنہیں رکوا سکتے۔

لندن سے جاری اعلامیے کے مطابق الطاف حسین نے کہا ہے کہ حکمران پولیس، رینجرز، اسپیشل برانچ، آئی بی، آئی ایس آئی، ایف آئی اے اور دیگر سیکیورٹی اداروں کی موجودگی کے باوجود اسلام آباد کو 5 گھنٹے تک یرغمال بنانے والے ایک فرد پر قابو نہیں پاسکتے تو ڈرون حملے کیسے روک سکتے ہیں۔ انہوں نے کہ تاریخ کتنی ہی تلخ اور تکلیف دہ کیوں نہ ہو ہمیں اپنی نئی نسل کو سچی تاریخ سے آگاہ کرنا چاہئے۔

الطاف حسین کا کہنا تھا قومی دولت لوٹنے والوں کا کڑا احتساب کیا جانا چاہئے اور احتساب ایسے ایماندار لوگوں سے کرایا جائے جو اپنے عزیزواقارب کا بھی احتساب کرنے سے نہ ہچکچائیں لیکن افسوس کہ قومی دولت لوٹنے والوں کے خلاف پاکستان کا کوئی ادارہ حرکت میں نہیں آتا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔