- چوتھا ٹی ٹوئنٹی: نیوزی لینڈ کے ہاتھوں پاکستان کو مسلسل دوسری شکست
- حماس نے غزہ میں قید اسرائیلی یرغمالی کی نئی ویڈیو جاری کردی
- جامعہ کراچی میں قائم یونیسکو چیئرکے ڈائریکٹر ڈاکٹراقبال چوہدری سبکدوش
- تنزانیہ میں طوفانی بارشیں؛ سیلاب اور لینڈ سلائیڈنگ سے 155 افراد ہلاک
- ججز کو دھمکی آمیز خطوط؛ سپریم کورٹ کا لارجر بینچ 30 اپریل کو سماعت کریگا
- متحدہ عرب امارات کی مارکیٹ میں پاکستانی گوشت کی طلب بڑھ گئی
- زرمبادلہ کے ذخائر میں گزشتہ ہفتے 9 کروڑ 30 لاکھ ڈالر کی کمی
- فوج سے کوئی اختلاف نہیں، ملک ایجنسیز کے بغیر نہیں چلتے، سربراہ اپوزیشن گرینڈ الائنس
- ملک کے ساتھ بہت تماشا ہوگیا، اب نہیں ہونے دیں گے، فیصل واوڈا
- اگر حق نہ دیا تو حکومت گرا کر اسلام آباد پر قبضہ کرلیں گے، علی امین گنڈاپور
- ڈالر کی انٹر بینک قیمت میں اضافہ، اوپن مارکیٹ میں قدر گھٹ گئی
- قومی اسمبلی: خواتین ارکان پر نازیبا جملے کسنے کیخلاف مذمتی قرارداد منظور
- پاکستان نے انسانی حقوق سے متعلق امریکی ’متعصبانہ‘ رپورٹ مسترد کردی
- جب سے چیف جسٹس بنا کسی جج نے مداخلت کی شکایت نہیں کی، چیف جسٹس فائز عیسیٰ
- سائفر کیس؛ مقدمہ درج ہوا تو سائفر دیگر لوگوں نے بھی واپس نہیں کیا تھا، اسلام آباد ہائیکورٹ
- ضلع خیبرمیں سیکیورٹی فورسز کی کارروائی میں تین دہشت گرد ہلاک، دو ٹھکانے تباہ
- عمران خان کی سعودی عرب سے متعلق بیان پر شیر افضل مروت کی سرزنش
- چین: ماڈلنگ کی دنیا میں قدم رکھنے والا 88 سالہ شہری
- یوٹیوب اپ ڈیٹ سے صارفین مسائل کا شکار
- بدلتا موسم مزدوروں میں ذہنی صحت کے مسائل کا سبب قرار
تجربے نے آؤٹ آف فارم ہاشم آملا کی مشکل آسان کردی
کیپ ٹاﺅن: تجربے نے آؤٹ آف فارم ہاشم آملا کا معاملہ آسان کردیا اور جنوبی افریقی سلیکٹرز نے سینئر اوپننگ بیٹسمین کو ورلڈ کپ اسکواڈ میں شامل کرلیا۔
جنوبی افریقہ نے بھی ورلڈ کپ کیلیے اپنے 15 رکنی اسکواڈ کا اعلان کردیا جس میں آؤٹ آف فارم ہونے کے باوجود سینئر بیٹسمین ہاشم آملا کو شامل کیا گیا ہے، ناقص پرفارمنس کی وجہ سے ان کی میگا ایونٹ کیلیے سلیکشن پرکافی بحث ہورہی تھی، انھوں نے گذشتہ 16 ایک روزہ اننگز میں صرف ایک سنچری بنائی اور اس کو بھی ایک برس سے زائد بیت چکا،اس دوران ان کی ایوریج صرف 35.26 رہی ہے۔
آملا کو حال ہی میں ڈومیسٹک کرکٹ میں فارم کی بحالی کا موقع فراہم کیا گیا مگر 6 اننگز میں ان کا ٹاپ اسکور 32 رہا، تین مرتبہ تو وہ ڈبل فیگر میں بھی نہیں پہنچ پائے۔ حیران کن طور پر آئی پی ایل میں عمدہ پرفارم کرنے والے آل راؤنڈر کرس مورس کو منتخب ہی نہیں کیا گیا، ان کی جگہ سلیکٹرز نے ڈیوائن پریٹوریس اور اینڈل فیلکوایو پر اعتماد کا اظہار کیا ہے۔
فٹنس مسائل کے باوجود لونگی نگیڈی اور اینرچ نورٹیج کو منتخب کیا گیا ہے، رواں برس جنوری میں ڈیبیو کرنے والے ریسی وان ڈیر ڈوسین بھی میگا ایونٹ کے دستے میں جگہ بنانے میں کامیاب رہے،ان کی اس دوران 8 اننگز میں ایوریج 88.25 رہی ہے، اس لیے انھیں ہینڈرکس پر ترجیح دی گئی۔ ٹیسٹ اوپنر ایڈین مارکرم کو بھی اپنی عمدہ ڈومیسٹک فارم کا صلہ دیدیا گیا۔
ڈوپلیسی قیادت کرینگے جبکہ تجربہ کار بیٹسمین جے پال ڈومنی اور فاسٹ بولر ڈیل اسٹین بھی اسکواڈ کا حصہ ہیں۔ عمران طاہر فرسٹ چوائس لیگ اسپنر ہوں گے جبکہ اس شعبے میں دوسرے آپشن کے طور پر تبریز شمسی کا انتخاب کیا گیا ہے۔
اسکواڈ میں کپتان ڈوپلیسی، ڈی کک، آملا، ڈیوڈ ملر، ڈومنی، مارکرم، وان ڈیر ڈوسین، پریٹوریس، فیلکوایو، ربادا، اسٹین، نگیڈی، نورٹیج، عمران طاہراور تبریز شمسی شامل ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔