’نیپالی شین وارن‘ نے ورلڈ کپ ٹیموں میں اضافے کا مطالبہ کردیا

نئی دہلی:  ’نیپالی شین وارن‘ کی عرفیت رکھنے والے سندیپ لامی چنے نے ورلڈ کپ ٹیموں میں اضافے کا مطالبہ کردیا۔

نیپالی کرکٹر شین وارن نے کہاکہ میگا ایونٹ کو کم سے کم 16 سائیڈز پر مشتمل ہونا چاہیے، اسے 10 ٹیموں تک محدود کرنا خاص طور پر نئی کرکٹ اقوام کے پلیئرز سے ناانصافی ہے۔

18 سالہ لیگ اسپنر گزشتہ برس آئی پی ایل کا معاہدہ حاصل کرنیوالے پہلے نیپالی کرکٹر بنے تھے۔ وہ اس ایونٹ میں دہلی کیپیٹلز کی نمائندگی کررہے ہیں۔ انھوں نے کہاکہ میگا ایونٹ میں ٹیموں کی تعداد کم ہونے سے ہمارے جیسے کھلاڑیوں کی دل شکنی ہوتی ہے۔