جولائی تا مارچ: جاری کھاتے کے خسارے میں نمایاں کمی

سلمان صدیقی  جمعـء 19 اپريل 2019
رواں مالی سال کے ابتدائی 9 ماہ میں خسارے کی مالیت 9ارب 58کروڑ ڈالر رہی۔ فوٹو: فائل

رواں مالی سال کے ابتدائی 9 ماہ میں خسارے کی مالیت 9ارب 58کروڑ ڈالر رہی۔ فوٹو: فائل

کراچی:  درآمدات میں کمی اور ترسیلات میں اضافے کے سبب جاری کھاتے کے خسارے میں نمایاں کمی دیکھی جارہی ہے۔

رواں مالی سال کے پہلے نو ماہ جولائی تا مارچ کے دوران جاری کھاتے کا خسارہ گذشتہ مالی سال کے اسی عرصے سے 4ارب ڈالر تک کم ہوچکا ہے۔

اسٹیٹ بینک کے اعدادوشمار کے مطابق گذشتہ مالی سال کے مقابلے میں رواں مالی سال کے 9ماہ کا خسارہ 29فیصد کم ہے۔ گزشتہ مالی سال کے پہلے 9 ماہ کے دوران جاری کھاتے کو 13ارب 59کروڑ ڈالر خسارے کا سامنا تھا تاہم رواں مالی سال کے اسی عرصے میں خسارے کی مالیت 9ارب 58کروڑ ڈالر رہی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔