- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گذشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
- ایل ڈی اے نے 25 ہاﺅسنگ سوسائٹیوں کے پرمٹ اور مجوزہ لے آﺅٹ پلان منسوخ کردیے
- امریکا نے اقوام متحدہ میں فلسطین کی مستقل رکنیت کی قرارداد ویٹو کردی
کراچی؛ اورنگی ٹاؤن میں گھر سے خاتون اور دو بچوں کی گلا کٹی لاشیں برآمد
کراچی: اورنگی ٹاؤن میں گھر کے اندر سے خاتون اور دو بچوں کی گلا کٹی لاشیں ملیں جبکہ سہراب گوٹھ میں جھاڑیوں سے نوجوان کی لاش ملی جسے نامعلوم مقام پر فائرنگ کرکے ہلاک کیا گیا۔
ایکسپریس کے مطابق اتوار کی شب اورنگی ٹاؤن کے علاقے پاکستان بازار میں داتا چوک پر غوثیہ کلینک کے برابر والی گلی میں گھر کے اندر سے خاتون اور دو بچوں کی لاشیں ملیں جنھیں گردن پر تیز دھار آلے کے وار کرکے ہلاک کیا گیا۔
ایس ایس پی ویسٹ شوکت کٹھیان نے ایکسپریس کو بتایا کہ جائے وقوع پر ہر طرف خون ہی خون پھیلا ہوا تھا اور یوں محسوس ہوتا ہے کہ ملزمان کی تعداد ایک سے زائد تھی، یہ گھر صدیق نامی شخص کا ہے جو پیشے کے اعتبار سے ٹیلر ماسٹر ہے اور علاقے میں ہی اس کی دکان ہے، وقوعہ کے وقت علاقے میں بجلی کی سپلائی منقطع تھی، ہمیں صدیق نے بتایا ہے کہ وہ رات 8 بجے گھر سے کسی کام سے نکلا تھا اور جب رات کو 10 بجے واپس آیا تو گھر میں اس نے لاشیں دیکھیں۔
شوکت کٹھیان نے ایکسپریس کو مزید بتایا کہ تینوں افراد کو تیز دھار آلے کے وار کرکے ہلاک کیا گیا، مرنے والوں میں صدیق کی اہلیہ 32 سالہ انیلہ اور اس کے دو جڑواں بچے تین سالہ بریرہ فاطمہ عبدالہادی شامل ہیں۔
پولیس نے جائے وقوع سے شواہد اکٹھے کرلیے جب کہ فارنسک ٹیم بھی موقع پر پہنچی، جائے وقوع سے آلہ قتل برآمد نہیں ہوا، خاتون ایم ایل او نہ ہونے کے باعث تینوں لاشیں رات گئے پوسٹ مارٹم کے لیے جناح اسپتال لے جائی گئیں، بعدازاں لاشوں کو اسپتال منتقل کیا گیا۔
ایک عینی شاہد نے بتایا کہ جب صدیق اپنے گھر واپس پہنچا تو پہلے اس نے معمول کے مطابق دروازہ کھٹکھٹایا لیکن دروازہ نہ کھلنے پر جب اس نے زور زور سے پیٹا تو اہل محلہ بھی جمع ہوگئے۔
ایک سوال کے جواب میں پڑوسی کا کہنا تھا کہ انھوں نے اس سے قبل کسی قسم کی کوئی مشکوک حرکت یا مشکوک افراد کی نقل و حرکت نہیں دیکھی۔
دریں اثنا سہراب گوٹھ کے علاقے چھوٹا گبول ٹاؤن میں جھاڑیوں سے ایک شخص کی لاش ملی جسے فائرنگ کرکے ہلاک کیا گیا، پولیس حکام کے مطابق مقتول کی عمر 25 برس معلوم ہوتی ہے جسے نامعلوم ملزمان نے کسی مقام پر سینے پر دو گولیاں مار کر ہلاک کیا اور لاش جھاڑیوں میں پھینک کر فرار ہوگئے، مقتول کے قبضے سے ایسی کوئی چیز برآمد نہیں ہوئی جس سے اس کی شناخت میں مدد مل سکے، پولیس واقعے کی مزید تحقیقات کررہی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔