- اسلام آباد میں ویزا آفس آنے والی خاتون کے ساتھ زیادتی
- اڈیالہ میں عمران خان سمیت قیدیوں سے ملاقات پر دو ہفتے کی پابندی ختم
- توانائی کے بحران سے نمٹنے میں پاکستان کی مدد کرنا ترجیح میں شامل ہے، امریکا
- ہائیکورٹ کے ججزکا خط، چیف جسٹس سے وزیراعظم کی ملاقات
- وزیر اعلیٰ پنجاب کا مسیحی ملازمین کیلیے گڈ فرائیڈے اور ایسٹر بونس کا اعلان
- سونے کی عالمی ومقامی قیمتوں میں اضافہ
- بلوچستان : بی ایل اے کے دہشت گردوں کا غیر ملکی اسلحہ استعمال کرنے کا انکشاف
- سینئر وزیر سندھ شرجیل میمن کی زیرصدارت محکمہ ٹرانسپورٹ کا اعلیٰ سطح اجلاس
- قومی ٹیم کی کوچنگ؛ جیسن گلیسپی نے اہم فیصلہ کرلیا
- پشاور؛ صوبائی وزیر و دیگر کے نام ای سی ایل سے نکالنے کیلیے حکومت سے جواب طلب
- سوئی ناردرن کی گیس قیمتوں میں اضافے پر وضاحت
- کراچی؛ اورنج اور گرین لائن کو جوڑنے کے لئے شٹل سروس شروع کرنے کا فیصلہ
- قادیانی شہری ضمانت کیس؛ علماء سے 2 ہفتے میں تحریری رائے طلب
- سویلین ٹرائلز؛ سپریم کورٹ کی فوجی عدالتوں کو محفوظ شدہ فیصلے سنانے کی مشروط اجازت
- ایف بی آر سے کرپشن کے خاتمے کیلیے خفیہ ایجنسی کو ٹاسک دیدیا گیا
- کاکول ٹریننگ کیمپ؛ اعظم خان 2 کلومیٹر ریس میں مشکلات کا شکار
- اسٹاک ایکسچینج؛ 100 انڈیکس ملکی تاریخ کی نئی بلند ترین سطح پر پہنچ گیا
- بجلی ایک ماہ کیلیے 5روپے فی یونٹ مہنگی کر دی گئی
- کھلاڑیوں کی ادائیگیوں کا معاملہ؛ بورڈ نے فیکا کے الزامات کو مسترد کردیا
- پی ٹی آئی (پی) کی مخصوص نشستوں کا معاملہ، الیکشن کمیشن حکام فوری ہائیکورٹ طلب
کراچی اسٹارٹ اپ ویک اینڈ 2019 کے تین فاتحین کا اعلان کردیا گیا
کراچی: کراچی میں نیسٹ آئی او کے زیرِ اہتمام اسٹارٹ اپ ویک اینڈ کا کامیاب اختتام ہوگیا ہے جس میں تین فاتحین کو انعام یافتہ قرار دیا گیاہے۔
رواں ہفتے ختم ہونے والی اس تین روزہ تقریب کا انعقاد کراچی میں واقع نیسٹ آئی او نے کیا تھا۔ اسٹارٹ اپ ویک اینڈ نامی اس مقابلے میں 100 شرکا پر مشتمل مختلف ٹیموں نے اختراعاتی اور ٹیکنالوجی پر مبنی 17 اسٹارٹ اپ آئیڈیاز دیئے جن کا موضوع ’اسٹارٹ فاردی سٹی‘ تھا۔ پہلے روز انٹرپرونیئرشپ پر 60 آئیڈیاز پیش کئے گئے۔ جنہیں مشہور اساتذہ، کوچز اور اپنے اپنے شعبے کے ماہرین نے دھیان سے سنا واضح رہے کہ تین روز تک جاری رہنے والا یہ مقابلہ جمعہ 26 اپریل کو شروع ہوا تھا۔
طالبعلموں کی رہنمائی کرنے والی کوچز میں ای ایل این کی روحِ رواں ثنا فاروق، سوشل چیمپ کے بانی سمیر احمد خان، مایا کلوسیٹ کی سبین مراد، عورت راج سے وابستہ صبا خالد، سستا ٹکٹ پی کے ویب سائٹ کے مشہود رستگر، سیکرٹ اسٹاش کی بانی نازش حسین، اسمارٹ چوائس پی کے سے وابستہ سبطین جیوانی اور دیگر شامل تھے۔
اسٹارٹ اپ ویک اینڈ میں معلوماتی مباحثے بھی ہوئے جن میں اسٹارٹ اپ کامیاب بنانے کی تجاویز اور آرا پیش کی گئیں۔
تین بہترین اسٹارٹ اپس کا احوال
اسٹارٹ اپ ویک اینڈ کے 54 گھنٹوں میں 17 آئیڈیاز کے معاشی، تجارتی، مارکیٹنگ اور دیگر پہلوؤں پر غور کیا گیا۔ پہلا انعام my DUPO نامی ایپ کو دیا گیا جس کے ذریعے والدین اپنے بچوں کی اسکول وین کو حقیقی وقت میں ٹریک کرسکتے ہیں جس سے بچوں کا سفر محفوظ اور کم خرچ ہوجاتا ہے۔
کراچی میں پانی کے مسائل حل کرنے کے لیے ایک اور آئیڈیا واٹر اے ٹی ایم کے نام سے پیش کیا گیا جس میں ایسے ای ٹی ایم کا تصور پیش کیا گیا تھا جس میں رقم ڈالنے سے پانی فراہم ہوتا ہے۔ تیسرا انعام گیم لسٹ کو دیا گیا جو تمام گیمرز اور گیمنگ سہولیات کے لیے ون اسٹاپ شاپ کی طرز پر ایک پلیٹ فارم کی تشکیل پر تھا۔
اس موقع پر پاکستان سافٹ ویئر ہاؤس ایسوسی ایشن کی صدر اور نیسٹ آئی او کی بانی جہاں آرا نے کہا کہ انعام یافتگان کا انتخاب ایک مشکل ترین مرحلہ تھا جس سے ظاہر ہوتا ہے کہ تمام اسٹارٹ اپ آئیڈیاز بہت عمدہ تھے۔ لیکن اگلے مرحلے میں صفر سے ایک اسٹارٹ اپ کمپنی قائم کرنا ہی سب سے بڑی کامیابی ہے جس کی جگہ کوئی اور اعزاز یا ٹرافی نہیں لے سکتی۔
واضح رہے کہ نیسٹ آئی او ان آئیڈیاز کو کامیاب بزنس میں ڈھالنے کے لیے تمام تر تربیت اور مواقع بھی فراہم کرے گا۔
نیسٹ آئی او پاکستان کی بین الاقوامی شہرت یافتہ ٹیکنالوجی انکیوبیٹر کمپنی ہے جسے پاکستان سافٹ ویئر ہاؤس ایسوسی ایشن نے گوگل ، سام سنگ اور امریکی اسٹیٹ ڈپارٹمنٹ کے تعاون سے شروع کیا ہے۔ ادارے کا اہم مقصد نئے اینٹرپرونیئرز اور کمپنیوں کو تربیت، مواقع ، معلومات اور دیگر سہولیات فراہم کرنا ہے ۔ اس دوران کامیاب ادارے اور اس کے سربراہان نوجوانوں کو ہرممکن رہنمائی فراہم کرتے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔