- پی ٹی آئی قانونی ٹیم کا فائز عیسیٰ اور جسٹس عامر فاروق سے استعفی کا مطالبہ
- اہم چیلنجز کا سامنا کرنے کیلیے امریکا پاکستان کے ساتھ کھڑا رہے گا، جوبائیڈن کا وزیراعظم کو خط
- عالمی اور مقامی مارکیٹوں میں سونے کی قیمت میں بڑا اضافہ ہوگیا
- اسٹاک مارکیٹ میں اتار چڑھاؤ کے بعد مندی، سرمایہ کاروں کے 17ارب ڈوب گئے
- پشاور بی آر ٹی؛ ٹھیکیداروں کے اکاؤنٹس منجمد، پلاٹس سیل کرنے کے احکامات جاری
- انصاف کے شعبے سے منسلک خواتین کے اعداد و شمار جاری
- 2 سر اور ایک دھڑ والی بہنوں کی امریکی فوجی سے شادی
- وزیراعظم نے سرکاری تقریبات میں پروٹوکول کیلیے سرخ قالین پر پابندی لگادی
- معیشت کی بہتری کیلیے سیاسی و انتظامی دباؤبرداشت نہیں کریں گے، وزیراعظم
- تربت حملے پر بھارت کا بے بنیاد پروپیگنڈا بے نقاب
- جنوبی افریقا میں ایسٹر تقریب میں جانے والی بس پل سے الٹ گئی؛ 45 ہلاکتیں
- پاکستانی ٹیم میں 5 کپتان! مگر کیسے؟
- پختونخوا پولیس کیلیے 7.6 ارب سے گاڑیاں و جدید آلات خریدنے کی منظوری
- اسلام آباد ہائیکورٹ نے پی ٹی آئی رہنما کو عمرے پرجانے کی اجازت دے دی
- مشترکہ مفادات کونسل کی تشکیل نو، پہلی بار وزیر خزانہ کی جگہ وزیر خارجہ شامل
- پنجاب گرمی کی لپیٹ میں، آج اور کل گرج چمک کیساتھ بارش کا امکان
- لاہور میں بچے کو زنجیر سے باندھ کر تشدد کرنے کی ویڈیو وائرل، ملزمان گرفتار
- پشاور؛ بس سے 2 ہزار کلو سے زیادہ مضر صحت گوشت و دیگر اشیا برآمد
- وزیراعلیٰ پنجاب نے نوازشریف کسان کارڈ کی منظوری دے دی
- بھارتی فوجی نے کلکتہ ایئرپورٹ پر خود کو گولی مار کر خودکشی کرلی
اسکوئڈ کی کھال کی نقل: اچھوتا اور لچک دار ’اسپیس بلینکٹ‘ تیار
کیلیفورنیا: امریکا کی یونیورسٹی آف کیلیفورنیا، اِروِن میں انجینئروں نے سمندری جانور ’’اسکوئڈ‘‘ (Squid) کی کھال سے متاثر ہوکر ایسا لچک دار اور بہت ہلکا کپڑا تیار کرلیا ہے جو کسی کمبل کی طرح کام کرتے ہوئے، اپنے استعمال کرنے والے کو درجہ حرارت پر بہتر کنٹرول فراہم کرتا ہے۔
اگرچہ اس طرح کے ہلکے پھلکے کپڑے بہت پہلے ایجاد ہوچکے ہیں جو ’’باڈی وارمر‘‘ اور ’’اسپیس بلینکٹ‘‘ جیسے ناموں سے دستیاب ہیں لیکن وہ صرف ایک خاص درجہ حرارت تک کےلیے ہی تیار کیے جاتے ہیں یعنی ان میں حرارت کی منتقلی روکنے کی صلاحیت ہمیشہ یکساں رہتی ہے جس میں حسبِ ضرورت کوئی تبدیلی نہیں کی جاسکتی۔
بہتر باڈی وارمر اور اسپیس بلینکٹ وضع کرنے کےلیے ماہرین مختلف قدرتی اشیاء کا جائزہ لے رہے تھے کہ آکٹوپس، اسکوئڈ اور اسی قبیل کے دوسرے سمندری جانوروں کی کچھ دلچسپ خصوصیات ان کی نظر سے گزریں۔ اوّل تو ان تمام جانوروں کی کھال نہایت باریک، ہلکی پھلکی اور مضبوط ہوتی ہے؛ اور دوم یہ جانور اپنے ارد گرد بدلتے ماحول کی مناسبت سے اپنے جسم میں حرارت محفوظ رکھنے کی صلاحیت میں بھی کمی بیشی کرسکتے ہیں۔ تحقیق کرنے پر معلوم ہوا کہ ان کی کھال میں موجود مادّے عام حالات میں نہایت باریک نقطوں کی شکل میں ہوتے ہیں لیکن ماحول بدلنے پر وہ پھیل کر پلیٹ کی طرح چوڑے ہوجاتے ہیں۔ اس طرح ان جانوروں میں اپنا جسمانی درجہ حرارت کنٹرول کرنے کی صلاحیت بھی قدرتی طور پر بدل جاتی ہے۔
یونیورسٹی آف کیلیفورنیا، اِروِن کے ماہرین نے اسی خاصیت کی نقل کرتے ہوئے یہ نیا لچک دار کپڑا تیار کیا ہے۔ ان کا کہنا ہے کہ یہ لچک دار ’’اسپیس بلینکٹ‘‘ نہ صرف بہتر باڈی وارمرز بنانے کے کام آئے گا بلکہ اس کے ذریعے ایسے ہلکے پھلکے اور پائیدار خیمے بھی بنائے جاسکیں گے اپنے اندر رہنے والوں کو ماحول کی سختیوں (سردی اور گرمی، دونوں) سے بہتر تحفظ فراہم کریں گے۔ ماہرین کے مطابق، مذکورہ اسپیس بلینکٹ کے استعمال سے توانائی کی 30 سے 40 فیصد تک بچت ہوسکے گی۔
اس تحقیق کی تفصیلات ’’نیچر کمیونی کیشنز‘‘ کے تازہ شمارے میں شائع ہوئی ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔