مجھے اس بات پرفخرہے کہ شردھا میری بیٹی ہے، شکتی کپور

کراچی: بھارتی اداکارشکتی کپور نے کہاہے کہ شردھا کپور نے میری دلی خواہش پوری کی ہے میں نے کئی برس پہلے اس دن کا خواب دیکھا تھا۔

بھارتی فلم ’’عاشقی 2‘‘ کا ریکارڈ توڑ بزنس کرنا کسی اعزاز سے کم نہیں ہے، مجھے اس بات پرفخرہے کہ شردھامیری بیٹی ہے۔ ان خیالات کا اظہار انھوں نے ٹیلی فون پر نمائندہ ایکسپریس سے بات چیت کے دوران کیا انکا کہنا تھا کہ 90 دہائی میں جب اس فلم کا پہلاحصہ آیا تھا تومیں تب بھی اسے دیکھ کر حیران تھا اتنے کم بجٹ میں اتنی معیاری فلمیں کم ہی بنی ہیں۔

ایک سوال کے جواب میں بھارتی اداکارشکتی کپور کا کہنا تھا کہ رومانس اور پیار محبت پر مبنی کہانیوں پر جتنی بھی فلمیں بنی ہیں انھیں اسی طرح کامیابی ملی ہے۔ انھوں نے مزید کہا کہ مھیش بھٹ اس معاملے میں بہت گنی ہیں، انھوں نے ہمیشہ نئے ٹلینٹ کو موقع دیا ہے اور کئی فنکاروں کی اسی طرح لاٹری لگی ہے، مجھے بھی مھیش جی کے ساتھ ان کی فلموں میں کام کرنے کا موقع ملا ہے وہ بہت بڑے آدمی ہیں میں ان کے کام کی قدر کرتا ہوں۔