اثاثہ جات کیس میں علیم خان کی ضمانت منظور

لاہور ہائی کورٹ نے پی ٹی آئی رہنما عبدالعلیم خان کی ضمانت منظور کرلی۔ 

لاہور ہائی کورٹ میں جسٹس باقر نجفی کی سربراہی میں 2 رکنی بینچ نے تحریک انصاف کے سابق صوبائی وزیر عبدالعلیم خان کی درخواست ضمانت سے متعلق کیس کی سماعت کی جس میں عدالت نے عبدالعلیم خان کی ضمانت منظور کرتے ہوئے انہیں ایک ایک کروڑ کے مچلکے جمع کروانے کا حکم دیا۔

واضح رہے قومی احتساب بیورو نے پی ٹی آئی رہنما کو آمدن سے زائد اثاثے بنانے کے کیس میں حراست میں لیا تھا۔