شائقین کے لیے عیدالفطر پر فلم ’’رانگ نمبر 2‘‘ کی عیدی

سمیع خان، نیلم منیر، جاوید شیخ، ثنافخر، محمود اسلم کی تشہیری مہم زوروں سے جاری ہے۔

شوبز رپورٹر جمعرات 16 مئ 2019

سمیع خان، نیلم منیر، جاوید شیخ، ثنافخر، محمود اسلم کی تشہیری مہم زوروں سے جاری ہے۔ فوٹو: فائل

لاہور: لالی وڈ کے معروف ڈائریکٹر یاسر نواز عید الفطر پر شائقین کو رومانوی کامیڈی فلم ’’رانگ نمبر2‘‘ کی عیدی دیں گے۔

سمیع خان، نیلم منیر، جاوید شیخ، ثنافخر، محمود اسلم سمیت دیگر فنکاروں پر مشتمل فلم کی تشہیری مہم زوروں سے جاری ہے۔ عید الفطر پر شائقین کو معیاری تفریح فراہم کرنے کے لیے ڈائریکٹر یاسر نواز نے اپنی سپر ہٹ فلم ’’رانگ نمبر‘‘کا سیکوئل تیار کیا ہے جسے ڈسٹری بیوشن کلب کے پلیٹ فارم سے عید الفطر پرلاہور، کراچی اور اسلام آباد سمیت ملک بھر کے سنیماؤں کی زینت بنایا جائے گا۔

فلم کی لیڈ کاسٹ نے شائقین سے ملاقات کے لیے گزشتہ دنوں کراچی کے مختلف سنیما گھروں کے دورے کیے جہاں مداحوں نے اپنے پسندیدہ فنکاروں کے ساتھ دل کھول کر سیلفیاں بھی بنائیں۔