شک کی آگ نے 8 بچوں کی ماں کو زندگی سے محروم کر دیا

اسٹاف رپورٹر  اتوار 19 مئ 2019
کورنگی مہران ٹاؤن میں قادر نے قز بانو کو قتل کردیا،پولیس نے شوہرکو گرفتار کرلیا. فوٹو: فائل

کورنگی مہران ٹاؤن میں قادر نے قز بانو کو قتل کردیا،پولیس نے شوہرکو گرفتار کرلیا. فوٹو: فائل

کراچی: کورنگی مہران ٹاؤن میں شک کی آگ نے 8 بچوں کی ماں کو زندگی سے محروم کر دیا جب کہ پولیس نے ملزم شوہر کو گرفتار کر کے اسلحہ برآمد کرلیا۔

کورنگی صنعتی ایریا کے علاقے مہران ٹاون سیکٹربی 6 میں رہائش پذیر خاتون کی گھر سے لاش ملی جسے فائرنگ کر کے قتل کیا تھا واقعے کی اطلاع ملتے ہی پولیس موقع پر پہنچ گئی اور لاش کو اپنے قبضے میں لے کر ضابطے کی کارروائی کے لیے جناح اسپتال منتقل کیا۔

ایس ایچ او انسپکٹر اورنگزیب خٹک نے بتایا کہ مقتولہ کی شناخت 45 سالہ قز بانو کے نام سے ہوئی ہے جسے اس کے شوہر قادر داد نے فائرنگ کر کے قتل کیا تھا جسے پولیس نے موقع سے گرفتار کر کے آلہ قتل 30 بور پستول برآمد کرلیا۔

انھوں نے بتایا کہ گرفتار ملزم محنت کش  ہے جس نے دوران تفتیش قتل کی وجہ بیوی کے مشکوک کردار کو قرار دیا ہے جب کہ ملزم کا کہنا ہے کہ اس نے متعدد بار اسے منع بھی کیا تھا تاہم وہ باز نہیں آئی۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔