لیجنڈ اداکار آرنلڈ شوازنیگر پر جنوبی افریقا میں حملہ

جوہانس برگ: ہالی ووڈ کے لیجنڈ اداکار آرنلڈ شوازنیگر پر نوجوان نے حملہ کردیا تاہم وہ محفوظ رہے۔

دی ٹرمینیٹر سیریز سے شہرت حاصل کرنے والے ہالی ووڈ کے لیجنڈ اداکار جنوبی افریقا میں اپنے مداحوں کے ساتھ اسنیپ چیٹ ویڈیو ریکارڈ کررہے تھے جکہ ایک نامعلوم نوجوان نے انہیں پیچھے سے فلائنگ کک ماری تاہم اسی وقت سیکیورٹی پر مامور اہلکاروں نے اس لڑکے کو پکڑ لیا۔

اس خبرکوبھی پڑھیں: آرنلڈ شوارزنیگر نے ٹی وی شو کی میزبانی چھوڑ دی

آرنلڈ شواز نیگر اس حملے میں محفوظ رہے بعد ازاں انہوں نے ٹوئٹر پراس حملے کے بارے میں اپنے ردعمل کا اظہار کرکے سب کو حیران کردیا۔ انہوں نے کہا مجھے اس وقت احساس ہوا جب میں نے بھی آپ لوگوں کی طرح ویڈیو دیکھی جس میں مجھے ایک نوجوان لڑکا پیچھے سے کک مارتا ہے مجھے اس بات کی خوشی ہے کہ اس بیوقوف لڑکے کی وجہ سے میری اسنیپ چیٹ ویڈیو خراب نہیں ہوئی۔

And if you have to share the video (I get it), pick a blurry one without whatever he was yelling so he doesn’t get the spotlight.

By the way… block or charge? pic.twitter.com/TEmFRCZPEA

— Arnold (@Schwarzenegger) May 18, 2019

واضح رہے کہ آرنلڈ شوازنیگرسالانہ آرنلڈ کلاسک افریقا ایونٹ کے لیے جنوبی افریقا میں موجود ہیں جہاں یہ واقعہ پیش آیا۔