فرشتہ قتل کیس میں 3 افراد گرفتار، ایس ایچ او کیخلاف مقدمہ درج

ویب ڈیسک  بدھ 22 مئ 2019
شک کی بنیاد پر 2 افغانیوں سمیت 3 افراد کو حراست میں لیا گیا ہے، پولیس ذرائع   فوٹو: فائل

شک کی بنیاد پر 2 افغانیوں سمیت 3 افراد کو حراست میں لیا گیا ہے، پولیس ذرائع فوٹو: فائل

 اسلام آباد: فرشتہ قتل کیس میں پولیس نے شک کی بنیاد پر 3 افراد کو گرفتار کرلیا جبکہ ایس ایچ او شہزاد ٹاؤن کے خلاف بھی مجرمانہ غفلت کا مقدمہ درج کرلیا گیا ہے۔

ننھی فرشتہ قتل کیس میں ایس ایچ او شہزاد ٹاؤن کے خلاف مقدمہ درج کرلیا گیا ہے، مقدمہ مقتول بچی فرشتہ کے والد کی مدعیت میں درج کیا گیا ہے جس میں کہا گیا ہے کہ واقعہ میں ملوث اہلکاروں اور ایس ایچ او کے خلاف مجرمانہ غفلت برتنے پر کارروائی کی جائے، ایف آئی آر کے بجائے پولیس اہلکار تھانے کی صفائیاں کرواتے رہے جب کہ ایس ایچ او نے بچی کو ڈھونڈنے کے بجائے کہا کہ کسی کے ساتھ بھاگ گئی ہوگی، لواحقین نے بچی کو ڈھونڈنے اور ایف آئی آر کے اندراج کے لیے تھانے کے کئی چکر لگائے۔

دوسری جانب پولیس ذرائع کے مطابق شک کی بنیاد پر 3 افراد کو حراست میں لیا گیا ہے جن میں 2 افغانی شامل ہیں، حراست میں لیے گئے افراد مقتول بچی کے ہمسائے ہیں جن میں سے ایک شخص مقتولہ کی سہیلی کا والد ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔