کراچی میں آج بھی دن بھر سمندری ہوائیں بحال رہنے کا امکان

کراچی: شہر قائد میں بدھ کو مطلع صاف اور ہوا میں نمی کا تناسب بڑھنے سے معمولی حدت محسوس کی گئی۔

بدھ کوکراچی کا مطلع صاف رہا، تیز دھوپ اور ہوا میں نمی کاتناسب بڑھنے کے سبب دوپہر کے وقت حدت محسوس کی گئی۔ محکمہ موسمیات کے مطابق بدھ کو شہر کا درجہ حرارت 35.2 ڈگری رہا جب کہ دن بھر سمندر کی جنوب مغربی سمت کی ہوائیں چلیں، جس کی رفتار 30 کلومیٹر فی گھنٹہ ریکارڈ ہوئی۔

آج(جمعرات) کوبھی شہر میں دن بھر سمندری ہوائیں بحال رہنے کا امکان ہے، تاہم جمعے کے دن بلوچستان کی شمال مغربی ہوائیں، سمندری ہواؤں کو متاثرکرسکتی ہیں۔