ورلڈ کپ میں خراب پرفارمنس کا کوئی بہانہ باقی نہیں بچا، شاہد آفریدی

اسپورٹس ڈیسک  جمعـء 24 مئ 2019
پاکستان ٹیم کو سیمی فائنل کھیلتا دیکھ رہا ہوں، اللہ نے چاہا تو وہ فائنل بھی کھیلے گی، سابق کپتان۔ فوٹو: فائل

پاکستان ٹیم کو سیمی فائنل کھیلتا دیکھ رہا ہوں، اللہ نے چاہا تو وہ فائنل بھی کھیلے گی، سابق کپتان۔ فوٹو: فائل

کراچی: سابق کپتان شاہد خان آفریدی نے واضح کیاکہ وہاب ریاض اور محمد عامر کی شمولیت سے ٹیم میں تجربے کی کمی ختم ہوگئی اس لیے اب ورلڈ کپ میں خراب پرفارمنس کا کوئی بہانہ باقی نہیں بچا ہے۔

پی سی بی کے ٹویٹر اکائونٹ پر جاری ویڈیو میں آفریدی نے کہاکہ میں سمجھتا ہوں کہ یہ ایک بہترین کمبی نیشن ہے، اچھی بات یہ ہے کہ اس بار ہمارے بیٹسمین اچھی فارم میں ہیں۔ تجربے کی کمی کے باعث میگا ایونٹ سے قبل ہماری بولنگ کومشکل کا سامنا رہا، مگر اب وہاب ریاض، شاداب خان اور محمد عامر ٹیم میں واپس لوٹ آئے، اس لیے خراب پرفارمنس کا کوئی بھی بہانہ باقی نہیں بچا ہے۔

شاہد آفریدی نے مزید کہاکہ میں پاکستان ٹیم کو سیمی فائنل کھیلتا دیکھ رہا ہوں، اللہ نے چاہا تو وہ فائنل بھی کھیلے گی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔