عازمین حج کی تربیت کیلیے سیمولیٹر ایپلی کیشن تیار

کاشف حسین  جمعـء 24 مئ 2019
’’لبیک وی آر‘‘ کے نام سے ایپ عازمین کو مناسک کی ادائیگی اور رہنمائی فراہم کرے گی۔ فوٹو: فائل

’’لبیک وی آر‘‘ کے نام سے ایپ عازمین کو مناسک کی ادائیگی اور رہنمائی فراہم کرے گی۔ فوٹو: فائل

کراچی:  پاکستان کی ٹیک کمپنی نے ورچوئل ریئلیٹی ٹیکنالوجی کی مددسے عازمین حج کی تربیت کیلیے سیمولیٹرایپلی کیشن تیارکرلی۔

لبیک وی آرکے نام سے تیارایپ عازمین حج کو مناسک کی ادائیگی کے بارے میں رہنمائی فراہم کرنے کے ساتھ مقامات مقدسہ کی حقیقت سے قریب ترمنظرکشی کرے گی۔ مناظر کی جزیات اورحقیقی عکاسی کے تمام اراکین کے بارے میں مفصل تربیت کے لحاظ سے اسے اسلامی دنیاکی موثرترین ایپ کہناغلط نہیں ہوگا جب کہ ورچوئل رئیالیٹی کی مدد سے تربیت لینے والے عازمین خودکو حقیقت سے قریب ترمحسوس کریں گے۔

لبیک وی آرمتعارف کرانے والی کمپنی کے سی ای اوشہریاررحمٰن نے کہاکہ ورچوئل ریئلٹی ایپ لبیک وی آرمتعارف کرانے کامقصد عازمین کی مشکلات کو کم کرناہے ۔

شہریاررحمٰن کے مطابق ان کی کمپنی 7 سال سے 2ڈی ٹیکنالوجی کے ذریعے عازمین کوتربیت فراہم کرتی ہے ۔2016میں 30 ہزارسرکاری حج کرنیوالے عازمین کو تربیت فراہم کی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔