ورلڈکپ کے دوران حارث سہیل کے سوا کسی کی فیملی ساتھ نہیں ہوگی

ورلڈکپ کے دوران قومی کرکٹرز کو فیملی ساتھ رکھنے کی اجازت نہیں دی گئی۔

انگلینڈ کیخلاف ون ڈے سیریز کے دوران کھلاڑیوں کے بیوی بچوں کو ہمراہ رکھنے پر کوئی ممانعت نہیں تھی، بعد ازاں قومی ٹیم کے منیجر طلعت نے سب کو آگاہ کردیا کہ وہ ورلڈکپ کے دوران فیملیز کو ساتھ نہیں رکھ سکتے،اگر کسی کھلاڑی کے بیوی بچے انگلینڈ میں رہنے کو ضروری سمجھتے ہیں تو ان کو سفر اور قیام طعام کا بندوبست خود کرنا ہوگا۔

ذرائع کے مطابق صرف حارث سہیل کو ذاتی وجوہات کی بناپر فیملی ساتھ رکھنے کی اجازت دی گئی ہے،پی سی بی کے اس فیصلے کا مقصد ہے کہ کھلاڑی اپنی بھرپور توجہ طویل ورلڈکپ کے مقابلوں پر مرکوز رکھیں۔