حکومت نے بجٹ میں سی پیک پروجیکٹس کیلیے 83 بلین روپے تجویز کردیئے

نئے پروجیکٹس کی شمولیت سے لاگت کا تخمینہ تقریباً 1.3 تریلین تک پہنچ چکا ہے۔

شہباز رانا ہفتہ 25 مئ 2019

نئے پروجیکٹس کی شمولیت سے لاگت کا تخمینہ تقریباً 1.3 تریلین تک پہنچ چکا ہے۔ فوٹو: فائل

اسلام آباد: حکومت نے آئندہ بجٹ میں پاک چین اقتصادی راہداری (سی پیک ) کے مختلف منصوبوں کے لیے 83 بلین روپے تجویز کردیئے۔

آئندہ بجٹ میں حکومت نے پاک چین اقتصادی راہداری (سی پیک ) کے مختلف منصوبوں کے لیے 83 بلین روپے تجویز کردیے ہیں جبکہ تاریخی منصوبے میں دیگر پروجیکٹس کی شمولیت کی وجہ سے یہ رقم ناکافی دکھائی دے رہی ہے۔ نئے پروجیکٹس کی شمولیت سے لاگت کا تخمینہ تقریباً 1.3 تریلین تک پہنچ چکا ہے۔

وزارت منصوبہ بندی و ترقیات کے حکام کے مطابق تحریک انصاف کی حکومت نے پبلک سیکٹر ڈیولپمنٹ پروگرام 2019-20 میں مزید 5منصوبے شامل کرنے کا فیصلہ کیا ہے۔