’’رانگ نمبر 2 ‘‘ نے عید الفطر کا میلہ لوٹ لیا

ویب ڈیسک  اتوار 9 جون 2019
فلم’’رانگ نمبر2‘‘نےریلیز کے تین دنوں میں 6 کروڑ سے زائد کا بزنس کرلیا۔فوٹوفائل

فلم’’رانگ نمبر2‘‘نےریلیز کے تین دنوں میں 6 کروڑ سے زائد کا بزنس کرلیا۔فوٹوفائل

کراچی: عیدالفطر پر ریلیز ہونے والی کامیڈی فلم’’رانگ نمبر 2‘‘ نے ریلیز کے 3 دنوں میں 6 کروڑ 75 لاکھ روپے سے زائد کا بزنس کرلیا۔

ہدایت کار یاسر نواز کی کامیڈی سے بھرپور فلم ’’رانگ نمبر2‘‘ شائقین کو متاثر کرنے میں کامیاب رہی ہے۔ فلم میں اداکارہ نیلم منیر اور سمیع خان کی جوڑی کو بے حد پسند کیاجارہا ہے۔  فلم کی کہانی میں مزاح اور جذبات کا تڑکہ لگایا گیا ہے جب کہ فلم میں شامل گانوں اورڈانس بھی فلم کی کہانی کو آگے بڑھاتے ہیں۔

’’رانگ نمبر2‘‘میں نیلم منیر ہمیشہ کی طرح بے حد خوبصورت نظر آئی ہیں لہٰذا فلموں کے شائقین کے لیے یہ مکمل طور پر ایک مصالحہ فلم ہے یہی وجہ ہے کہ عیدالفطر پر یہ فلم شائقین کی بڑی تعداد کو سینما تک کھینچ لانے میں کامیاب رہی ہے۔

View this post on Instagram

🎊🎂🎉🎊🎂🎉🎂🎉🎊

A post shared by Yasir Nawaz (@itsyasirnawaz) on

فلم کے ہدایت کار یاسر نواز نے سوشل میڈیا پر فلم کا بزنس شیئر کرایا ہے جس کے مطابق فلم  ریلیز کے تین دنوں میں 6 کروڑ 75 لاکھ کا بزنس کرنے میں کامیاب رہی ہے۔ عید کی چھٹیوں کے فوراً بعد ویک اینڈ کی چھٹیوں کا فائدہ عیدالفطر پر ریلیز ہونے والی فلموں کو ہوا ہےلہٰذا توقع کی جارہی ہے کہ ویک اینڈ پر یہ فلم مزید اچھا بزنس کرسکتی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔