عالمی باکس آفس پر الٰہ دین 600 ملین ڈالرز سے زیادہ کمانے میں کامیاب

ویب ڈیسک  پير 10 جون 2019
الٰہ دین 2019 میں کامیاب ترین بزنس کرنے والی چوتھی بڑی فلم بن چکی ہے۔ فوٹو : فائل

الٰہ دین 2019 میں کامیاب ترین بزنس کرنے والی چوتھی بڑی فلم بن چکی ہے۔ فوٹو : فائل

کیلیفورنیا: عالمی باکس آفس پر ڈزنی کی فلم الٰہ دین کا جادو سر چڑھ کر بول رہا ہے اور ایڈ ونچر سے بھر پور فلم اب تک 600 ملین ڈالرز سے زیادہ کمانے میں کامیاب ہو چکی ہے۔

27 سال بعد نئے انداز میں پیش کی جانے والی ڈزنی کی مشہور زمانہ  کارٹون فلم الٰہ دین مداحوں کو اس قدر پسند آئی کہ ریلیز  ہونےکے 3 ہفتوں میں ہی فلم نے600 ملین ڈالرز سے زیادہ کا کامیاب ترین بزنس کر لیا۔

اس خبر کو بھی پڑھیں : “الہٰ دین” ایک مرتبہ پھر عالمی باکس آفس پر چھا گئی

الٰہ دین 2019 میں کامیاب ترین بزنس کرنے والی چوتھی بڑی فلم بن چکی ہے، اپنی کامک ٹائمنگ کی وجہ سے مشہور اداکار ول اسمتھ کو جینی کے کردار میں بے حد پذیرائی مل رہی ہے، کامیڈی سے بھرپور فلم میں تمام اداکاروں کو مداحوں کی طرف سے بھرپور داد بھی مل رہی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔