کینگروز کیخلاف جارحانہ انداز اپنائیں؛ سابق کرکٹرز کا ٹیم کو مشورہ

اسپورٹس رپورٹر  بدھ 12 جون 2019
انگلینڈ کیخلاف فتح پانے والی پلیئنگ الیون میں کوئی تبدیلی نہیں ہونی چاہیے، عبدالقادر
 فوٹو: فائل

انگلینڈ کیخلاف فتح پانے والی پلیئنگ الیون میں کوئی تبدیلی نہیں ہونی چاہیے، عبدالقادر فوٹو: فائل

 لاہور:  سابق کرکٹرز نے قومی ٹیم کوکینگروزکیخلاف جارحانہ اندازاپنانے کا مشورہ دیدیا۔

میڈیا سے گفتگو میں سابق ٹیسٹ کرکٹرعبدالقادرکا کہنا تھا کہ قومی ٹیم نے انگلینڈ کیخلاف مثبت کرکٹ کھیلی، کینگروزکوقابوکرنے کے لیے بھی جارحانہ انداز اپنانا ہوگا۔ میچ میں قومی ٹیم کو کوئی تبدیلی نہیں کرنی چاہیے اور مثبت ذہن کے ساتھ میدان میں اترنا چاہیے۔

عبد القادر کا کہنا تھا کہ قومی ٹیم ورلڈکپ کھیل رہی ہے اور سب کو اس کی سپورٹ کرنی چاہیے، سابق اسپنر نے ورلڈکپ کے اہم میچز بارش کی نذر ہونے کو آئی سی سی کی ناقص حکمت عملی کا شاخسانہ قرار دیتے ہوئے کہا کہ اس معاملے سے نبٹنے کے لیے آئی سی سی کوغور و فکر کرنا ہوگا۔

سابق ٹیسٹ فاسٹ بولرعاقب جاوید کا کہنا تھا کہ پاکستان ٹیم انگلینڈ کے خلاف میچ میں کامیابی کے بعد اچھے ردھم میں ہے اس لیے توقع ہے کہ آج کے میچ میںبھی بہتر کارکردگی کا مظاہرہ کرے گی۔ان کا کہنا تھاکہ کامیابی کے لیے تینوں شعبوں میں کارکردگی کے تسلسل کو برقرار رکھنا ہو گا۔

سابق کرکٹر الیاس کا کہنا تھا کہ آسٹریلیا کے خلاف میچ کے لیے قومی ٹیم میں کوئی تبدیلی نہ کی جائے اورانگلینڈ کیخلاف میچ والا بیٹنگ آرڈر برقراررکھا جائے۔ان کا کہنا تھا کہ حفیظ اور بابراعظم کو پاکستان کی کامیابی میں اہم کردارادا کریں گے، بولرز کو اضافی رنز دینے سے گریز کرتے ہوئے اپنی فیلڈنگ کے مطابق گیندیں کرنا ہونگی ۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔