- حماس نے غزہ میں قید اسرائیلی یرغمالی کی نئی ویڈیو جاری کردی
- جامعہ کراچی میں قائم یونیسکو چیئرکے ڈائریکٹر ڈاکٹراقبال چوہدری سبکدوش
- تنزانیہ میں طوفانی بارشیں؛ سیلاب اور لینڈ سلائیڈنگ سے 155 افراد ہلاک
- ججز کو دھمکی آمیز خطوط؛ سپریم کورٹ کا لارجر بینچ 30 اپریل کو سماعت کریگا
- متحدہ عرب امارات کی مارکیٹ میں پاکستانی گوشت کی طلب بڑھ گئی
- زرمبادلہ کے ذخائر میں گزشتہ ہفتے 9 کروڑ 30 لاکھ ڈالر کی کمی
- فوج سے کوئی اختلاف نہیں، ملک ایجنسیز کے بغیر نہیں چلتے، سربراہ اپوزیشن گرینڈ الائنس
- ملک کے ساتھ بہت تماشا ہوگیا، اب نہیں ہونے دیں گے، فیصل واوڈا
- اگر حق نہ دیا تو حکومت گرا کر اسلام آباد پر قبضہ کرلیں گے، علی امین گنڈاپور
- ڈالر کی انٹر بینک قیمت میں اضافہ، اوپن مارکیٹ میں قدر گھٹ گئی
- قومی اسمبلی: خواتین ارکان پر نازیبا جملے کسنے کیخلاف مذمتی قرارداد منظور
- پاکستان نے انسانی حقوق سے متعلق امریکی ’متعصبانہ‘ رپورٹ مسترد کردی
- جب سے چیف جسٹس بنا کسی جج نے مداخلت کی شکایت نہیں کی، چیف جسٹس فائز عیسیٰ
- چوتھا ٹی ٹوئنٹی: نیوزی لینڈ کا پاکستان کو 179 رنز کا ہدف
- سائفر کیس؛ مقدمہ درج ہوا تو سائفر دیگر لوگوں نے بھی واپس نہیں کیا تھا، اسلام آباد ہائیکورٹ
- ضلع خیبرمیں سیکیورٹی فورسز کی کارروائی میں تین دہشت گرد ہلاک، دو ٹھکانے تباہ
- عمران خان کی سعودی عرب سے متعلق بیان پر شیر افضل مروت کی سرزنش
- چین: ماڈلنگ کی دنیا میں قدم رکھنے والا 88 سالہ شہری
- یوٹیوب اپ ڈیٹ سے صارفین مسائل کا شکار
- بدلتا موسم مزدوروں میں ذہنی صحت کے مسائل کا سبب قرار
ایم کیوایم نے سندھ اسمبلی کا اجلاس بلانے کےلئے دوبارہ درخواست جمع کرادی
کراچی: متحدہ قومی موومنٹ نے کراچی میں امن و امان کی صورت حال پر سندھ اسمبلی کا اجلاس بلانے کے لئے اعتراضات دور کرنے کے بعد ایک بار پھر درخواست جمع کرادی ہے۔
متحدہ قومی موومنٹ کے تمام ارکان سندھ اسمبلی پارلیمانی لیڈر سید سردار احمد کی سربراہی میں قائم مقام اسپیکر کے چیمبر میں پہنچے جہاں انہوں نے اسمبلی کا اجلاس بلانے کی درخواست جمع کرائی، درخواست میں موقف اختیار کیا گیا ہے کہ کراچی میں امن و امان کی صورت حال دن بدن بگڑتی جارہی ہے جس سے عوام انتہائی تکلیف دہ حالات سے گزر رہے ہیں۔ اس لئے شہر میں امن و امان کی صورتحال پر غور کےلئے جلد از جلد اسمبلی کجا اجلاس بلایا جائے۔
درخواست جمع کرانے کے بعد میڈیا سے بات کرتے ہوئے سید سردار احمد نے کہا کہ انہوں نے گزشتہ درخواست پر لگائے گئے اعتراضات کو دور کرکے ایک بار پھر اسے جمع کرادیا ہے تاکہ ارکان اسمبلی کراچی کی صورتحال کا کوئی حل نکال سکیں۔ اس موقع پر خواجہ اظہار الحسن نے کہا کہ ایم کیو ایم امن و امان کے مسئلے کو انتہائی اہمیت دیتی ہے، اسی سلسلے میں سندھ اسمبلی کا اجلاس بلانے کی ریکوزیشن ایک بار پھر اسپیکر کے دفتر میں جمع کرادی گئی ہے، اس موقع پر ایم کیو ایم کے تمام ارکان موجود تھے تاکہ کسی بھی قسم کے ابہام کو دور اور اسپیکر کی جانب سے جلد از جلد اسمبلی کا اجلاس بلایا جاسکے۔
رابطہ کمیٹی کے رکن ڈاکٹر صغیر احمد کا کہنا تھا کہ ایم کیو ایم کراچی سمیت سندھ کے شہری علاقوں کی سب سے بڑی اور صوبے کی دوسری بڑی سیاسی جماعت ہے ، کابینہ کے خصوصی اجلاس میں ایم کیو ایم کی جانب سے ڈاکٹر فاروق ستار وہ تمام حالات اور معاملات وزیر اعظم اور کابینہ کے ارکان کے سامنے وضاحت سے پیش کریں گے جس سے شہر قائد کے عوام ہر روز گزر رہے ہیں ۔ ہم امید کرتے ہیں کہ کراچی کے عوام کو درپیش مسائل کے حل کے لئے فوری طور پر ایسے اقدامات اٹھائے جائیں گے جس سے لوگوں کو ریلیف مل سکے۔
دوسری جانب قائم مقام اسپیکر شہلا رضا کا کہنا ہے کہ ایم کیو ایم نے گزشتہ درخواست پر لگائے گئے اعتراضات دور کردیئے ہیں لہذا اب اس کا آئینی جائزہ لیا جائے گا کہ درخواست کی مدت پرانی تاریخ سے دیکھی جائے یا آج کی تاریخ سے، جس کے بعد اجلاس بلانے کا فیصلہ کریں گے، انہوں نے کہا کہ سیاسی یا فرقہ وارانہ بنیادوں پر کوئی مسئلہ نہیں نظر آرہا، سیاسی کارکنوں کی ٹارگٹ کلنگ کا مطلب یہ ہے کہ کوئی تیسری قوت پورے پاکستان میں موجود ہے۔
واضح رہے کہ ایم کیو ایم نے 28 اگست کو سندھ اسمبلی کا اجلاس بلانے کی درخواست جمع کرائی تھی تاہم اسپیکر نے اس پر اعتراضات لگا کر واپس کردیا تھا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔