ملک میں پولیو وائرس کا ایک اور کیس سامنے آ گیا

ویب ڈیسک  جمعرات 13 جون 2019
متاثرہ بچے کا تعلق خیبرپختونخوا کے ضلع شانگلہ سے ہے

متاثرہ بچے کا تعلق خیبرپختونخوا کے ضلع شانگلہ سے ہے

پاکستان میں پولیو وائرس کا ایک اور کیس سامنے آ گیا۔

ایکسپریس نیوز کے مطابق خیبرپختونخوا کے ضلع شانگلہ کے 2 سال کے بچے میں پولیو وائرس کی تصدیق ہوگئی ہے، پولیو کا شکار بچے کا تعلق تحصیل پورن کی یو سی نصرت خیل سے ہے، پولیو ٹیسٹ کے لیے متاثرہ بچے کے نمونے 30 مئی کو بھجوائے گئے تھے۔

زرائع وزارت صحت کا کہنا ہے کہ رواں برس کے مجموعی پولیو کیسز کی تعداد 23 ہو گئی، رواں برس پنجاب سے 3 ،سندھ سے 3 پولیو کیس سامنے آ چکے ہیں اور کے پی سے 10 ، قبائلی اضلاع سے 7 پولیو کیس سامنے آ چکے ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔