میچ ختم ہونے سے قبل ہی شاہد آفریدی نے بھارتی ٹیم کو جیت کی مبارکباد دیدی

 کراچی: پاکستان کے سابق آل راؤنڈر شاہد خان آفریدی نے ورلڈکپ میں پاک بھارت میچ ختم ہونے سے قبل ہی بھارتی ٹیم کو جیت کی مبارکباد دے دی۔

ہدف کے تعاقب میں پاکستان کی بیٹنگ جاری  ہے تاہم شاہد آفریدی نے جلد بازی کا مظاہرہ کرتے ہوئے میچ ختم ہونے سے قبل ہی بھارتی ٹیم کی کارکردگی کو سراہتے ہوئے انہیں میچ جیتنے پرمبارکباد کا پیغام دے دیا۔

ٹوئٹر پر شاہد آفریدی نے لکھا کہ بھارت کو آج کی  کامیابی مبارک ہو، بھارتی ٹیم  کے اس عروج تک پہنچنے کے پیچھے آئی پی ایل کا اہم کردار ہے، آئی پی ایل نے نہ صرف باصلاحیت  کھلاڑیوں کی شناخت کی بلکہ نوجوان کھلاڑیوں کو دباؤ میں کھیلنے کی تکنیک سے بھی آراستہ کیا۔

Congratulations to @BCCI on a well deserved win today. The standard of cricket being played has been exceptionally high & credit goes to IPL for not only helping identify & harness talent, but also in equipping younger players with pressure handling techniques #CWC19 #PAKVIND https://t.co/MfiwQxwjrK

— Shahid Afridi (@SAfridiOfficial) June 16, 2019