ویرات کوہلی کی وکٹ موضوع بحث رہی

مانچسٹر:  پاکستان سے میچ میں بھارتی کپتان ویرات کوہلی کی وکٹ موضوع بحث بن گئی۔

ورلڈ کپ کے اہم میچ میں ویرات کوہلی 77 رنز بناکرمحمد عامر کی گیند پر سرفراز احمد کا کیچ بنے،امپائر کی جانب سے آؤٹ قرار دیے جانے سے پہلے ہی کوہلی خود پویلین لوٹ گئے، بعد میں ری پلیزسے ثابت ہوا کہ کوہلی توآؤٹ ہی نہیں تھے، الٹرا ایج سے بھی گیند بیٹ کوچھونے کی نشاندہی نہیں ہوئی، سوشل میڈیا پر اس پر خاصی بحث ہوتی رہی۔