قومی کرکٹ ٹیم میں گروہ بندی کی بازگشت سنائی دینے لگی

سلیم خالق  پير 17 جون 2019
 آسٹریلیا کیخلاف بھی جیتی بازی گنوا دی تھی، اچھی طرح جانتا ہوں کہ کون ایسا کر رہا ہے، سرفراز احمد۔ فوٹو: فائل

آسٹریلیا کیخلاف بھی جیتی بازی گنوا دی تھی، اچھی طرح جانتا ہوں کہ کون ایسا کر رہا ہے، سرفراز احمد۔ فوٹو: فائل

مانچسٹر: ورلڈکپ میں ناقص کارکردگی کا مظاہرہ کرنے والی پاکستان کرکٹ ٹیم میں گروہ بندی کی اطلاعات سامنے آئی ہیں۔

ذرائع کے مطابق بھارت سے شکست کے بعد کپتان سرفراز احمد نے ڈریسنگ روم میں کھلاڑیوں کی کلاس لے لی، میچ کے بعد انہوں نے عماد وسیم، امام الحق، بابر اعظم اور وہاب ریاض پر اپنے خلاف گروپ بنانے کا الزام لگا دیا۔

ان کا کہنا تھا کہ ”ٹیم بھارت کے خلاف میچ جیت سکتی تھی مگر کھلاڑیوں نے جان نہیں لڑائی، اس سے پہلے آسٹریلیا کے خلاف بھی جیتی بازی گنوا دی تھی، اچھی طرح جانتا ہوں کہ کون ایسا کر رہا ہے“۔

کوچ مکی آرتھر اس دوران خاموش رہے البتہ بعد میں انہوں نے صرف ”کرکٹنگ“ معاملات پر ہی بات کی، ٹیم کے میڈیا منیجر رضا راشد نے کہا ہے کہ اختلافات کی خبروں میں کوئی صداقت نہیں، قومی کرکٹرز سرفراز احمد کی قیادت میں متحد ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔