- کراچی میں مرکزی مویشی منڈی کب اور کہاں سجے گی؟
- پاکستان ویسٹ انڈیز ویمن ٹی ٹوئنٹی سیریز کا پہلا میچ آج کھیلا جائے گا
- اسحاق ڈار کی پی ٹی آئی کو ساتھ کام کرنے کی پیش کش
- ٹی ٹوئنٹی ورلڈ کپ 2024 کی ٹرافی پاکستان پہنچ گئی، اسلام آباد میں رونمائی
- وزیر مملکت برائے آئی ٹی شزہ فاطمہ سے میٹا کے وفد کی ملاقات
- برطانیہ کا ایرانی ڈرون انڈسٹری پر نئی پابندیوں کا اعلان
- سزا اور جزا کے بغیر سرکاری محکموں میں اصلاحات ممکن نہیں، وزیر اعظم
- چوتھا ٹی ٹوئنٹی: نیوزی لینڈ کے ہاتھوں پاکستان کو مسلسل دوسری شکست
- حماس کی قید میں موجود اسرائیلی یرغمالی کی نئی ویڈیو جاری
- جامعہ کراچی میں قائم یونیسکو چیئرکے ڈائریکٹر ڈاکٹراقبال چوہدری سبکدوش
- تنزانیہ میں طوفانی بارشیں؛ سیلاب اور لینڈ سلائیڈنگ سے 155 افراد ہلاک
- ججز کو دھمکی آمیز خطوط؛ سپریم کورٹ کا لارجر بینچ 30 اپریل کو سماعت کریگا
- متحدہ عرب امارات کی مارکیٹ میں پاکستانی گوشت کی طلب بڑھ گئی
- زرمبادلہ کے ذخائر میں گزشتہ ہفتے 9 کروڑ 30 لاکھ ڈالر کی کمی
- فوج سے کوئی اختلاف نہیں، ملک ایجنسیز کے بغیر نہیں چلتے، سربراہ اپوزیشن گرینڈ الائنس
- جوحلف نامہ مجھ پر لاگو وہ تمام ججوں،جرنیلوں پر بھی لاگو ہو گا : واوڈا
- اگر حق نہ دیا تو حکومت گرا کر اسلام آباد پر قبضہ کرلیں گے، علی امین گنڈاپور
- ڈالر کی انٹر بینک قیمت میں اضافہ، اوپن مارکیٹ میں قدر گھٹ گئی
- قومی اسمبلی: خواتین ارکان پر نازیبا جملے کسنے کیخلاف مذمتی قرارداد منظور
- پاکستان نے انسانی حقوق سے متعلق امریکی ’متعصبانہ‘ رپورٹ مسترد کردی
ملک میں مزید20صنعتی پارکس قائم کیے جائیں گے،محسن سید
کراچی: وزارت صنعت وپیداوار کے ماتحت ادارہ نیشنل انڈسٹریل پارکس (این آئی پی) ڈیولپمنٹ اینڈمینجمنٹ کمپنی کے تحت قائم کردہ تمام انڈسٹریل پارکس بجلی کی لوڈشیڈنگ کے عذاب سے پاک ہیں کیونکہ این آئی پی نے ان تمام انڈسٹریل پارکس میں بجلی کی مطلوبہ ضروریات کو پورا کرنے کیلیے سیلف پاورجنریشن یونٹس قائم کیے ہوئے ہیں۔
یہ بات نیشنل انڈسٹریل پارکس ڈیولپمنٹ اینڈ منیجمنٹ کمپنی کے چیف ایگزیکٹو آفیسرمحسن سید نے کراچی چیمبرکے صدر ہارون اگر سے چیمبر دورے کے موقع پر کہی۔ انہوں نے بتایا کہ صنعتکار برادری اور حکومت کے درمیان باہمی رابطوں اور بین الاقوامی معیار کے مطابق صنعتی ماحول کی فراہمی سمیت صنعتی پیداواری سرگرمیوں کے فروغ کے لیے اقدامات کرنا ان کے ادارے کی اولین ترجیحات میں شامل ہیں، این آئی پی کے تحت مجموعی طور پر7 انڈسٹریل پارکس قائم کیے گئے ہیں جن میں کورنگی کریک کراچی، بن قاسم، خیرپور خصوصی زون، رچنا انڈسٹریل پارک اور رسالپور میں ماربل سٹی شامل ہیں، پاکستان کے مختلف شہروں میں 20 مزید خصوصی صنعتی پارکس قائم کرنے کی حکمت عملی وضع کی گئی ہے جہاں ریلوے کی سہولت کا خصوصی طور پر خیال رکھا جائے گا، زمین کی ملکیت صوبائی حکومت کی ہوتی ہے۔
تاہم انتظامی امور این آئی پی کے پاس ہوتے ہیں۔ انہوں نے صدرچیمبر ہارون اگر کو وفد کے ہمراہ کورنگی کریک اور بن قاسم انڈسٹریل پارک کے دورے کی دعوت بھی دی۔ اس موقع پرکراچی چیمبرکے صدر محمد ہارون اگرنے معیشت کی ترقی کے لیے صنعت و برآمدات کے فروغ کی ضرورت پر زور دیتے ہوئے کہا کہ ملک و قوم کے وسیع تر مفاد میں عوام اور نجی سیکٹر کے درمیان باہمی رابطے اور ہم آہنگی انتہائی اہم ہے۔
انہوں نے کہاکہ کراچی کے 7 صنعتی زونز میں مناسب سڑکیں اور ریلوے کا نظام نہ ہونے، پانی و بجلی اور گیس بحران کے باعث شدید مشکلات کا سامنا ہے، صنعتی پالیسی کے فریم ورک میں صنعتی استعداد میں اضافے خاص طور پر چھوٹی و درمیانے درجے کی صنعتوں پر خصوصی توجہ دینے کی ضرورت ہے، یہ تاثر عام ہے کہ حکومت نہ تو مکمل طور پر صنعتی فروغ کو ممکن بنا پارہی ہے اور نہ ہی پیداواری سرگرمیوں سے براہ راست اس کا کوئی تعلق ہے تاہم نجی شعبے کی مدد سے صنعتی مسائل کے مشاہدے اور بہتر پالیسی ترتیب دے کرصنعتی فروغ اور ترقی کو ممکن بنایا جاسکتا ہے۔
ہارون اگر نے کہاکہ حکومت کو ملکی و غیر ملکی سرمایہ کاروں اورصنعتی ترقی کیلیے انتظامی امور میں مزید بہتری لانی چاہیے اور میکرو اکنامک مینجمنٹ کے ذریعے استعداد کو بڑھاتے ہوئے انفرااسٹرکچر کو مزید بہتر بنانے کی ضرورت ہے۔ انہوں نے کہاکہ انتظامی امور اور خدمات کے حوالے سے حکومت کی کارکردگی حوصلہ افزا نہیں، ٹیکس امور سمیت کمرشل قوانین اور لیبر ریلیشنز پر بھی توجہ دی جائے۔ انہوں نے کراچی میں کورنگی کریک اور بن قاسم انڈسٹریل پارک کے قیام کا بھی خیر مقدم کیا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔