بھارت سے شکست کے بعد خودکشی کا سوچا تھا، مکی آرتھر

اسپورٹس رپورٹر  منگل 25 جون 2019
بھارت سے میچ ہارگئے تو میں سخت دباؤ میں تھا اور وہ مشکل ہفتہ تھا، ہیڈ کوچ مکی آرتھر ۔ فوٹو : فائل

بھارت سے میچ ہارگئے تو میں سخت دباؤ میں تھا اور وہ مشکل ہفتہ تھا، ہیڈ کوچ مکی آرتھر ۔ فوٹو : فائل

 لندن:  پاکستانی ٹیم کے ہیڈ کوچ مکی آرتھر نے کہا ہے کہ ورلڈکپ میں بھارت سے شکست کے بعد خودکشی کا بھی سوچا تھا۔

جنوبی افریقا سے میچ کے بعد پریس کانفرنس کے دوران مکی آرتھر نے کہا کہ آسٹریلیا سے ناکامی کے بعد ہم بقا کی جنگ لڑ رہے تھے، بھارت سے میچ ہارگئے تو میں سخت دباؤ میں تھا، وہ مشکل ہفتہ تھا، لوگوں کی توقعات اور میڈیا کی اسکروٹنی سے نمٹنا آسان کام نہیں ہوتا، میں نے اس وقت خود کشی کا بھی سوچا، کھلاڑی کئی دن تک سو بھی نہیں سکے۔

دوسری جانب پاکستان ٹیم کے میڈیا منیجر رضا راشد نے کہا کہ مکی آرتھر نے خود کشی کا لفظ محاورے میں استعمال کیا، اس کا حقیقت سے کوئی تعلق نہیں، ہیڈ کوچ نے اس کی وضاحت بھی کردی تھی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔