پشاور، متنی میں گاڑیوں پر فائرنگ سے بچے سمیت 7 افراد جاں بحق

ویب ڈیسک  ہفتہ 7 ستمبر 2013
واقعے کے بعد سیکیورٹی فورسز اور مسلح افراد کے درمیان فائرنگ کا تبادلہ بھی ہوا جو اب تھم چکا ہے۔ فوٹو: فائل

واقعے کے بعد سیکیورٹی فورسز اور مسلح افراد کے درمیان فائرنگ کا تبادلہ بھی ہوا جو اب تھم چکا ہے۔ فوٹو: فائل

پشاور: متنی کے علاقے گلزار چوک میں نامعلوم افراد نے جنوبی اضلاع کی جانب جانے والی گاڑیوں پر اندھا دھند فائرنگ کر دی جس کے نتیجے میں ایک بچے سمیت 7 افراد جاں بحق اور کئی زخمی ہو گئے۔

ایکسپریس نیوز کے نمائندے فیضان حسین کے مطابق نامعلوم افراد نے پشاور سے جنوبی اضلاع کی طرف جانے والی گاڑیوں پر فائرنگ کر دی جس کے نتیجے میں ایک بچے سمیت 7 افراد جاں بحق اور کئی زخمی ہو گئے۔ زخمیوں کو طبی امداد کے لئے پشاور کے مختلف اسپتالوں میں منتقل کیا گیا جب کہ ہلاکتوں میں اضافے کا خدشہ ہے۔ واقعے کے بعد سیکیورٹی فورسز اور مسلح افراد کے درمیان فائرنگ کا تبادلہ بھی ہوا جو اب تھم چکا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔